தளபதி 69 படத்தில் கன்னட சூப்பர் ஸ்டார் சிவராஜ் குமார் இணைய இருப்பதாக தகவல் வெளியாகியிருக்கிறது.
தளபதி என்று ரசிகர்களால் கொண்டாடப்படும் விஜய் நடிப்பில் தற்போது உருவாகி வரும் திரைப்படம் தளபதி 69. விஜயின் 69 ஆவது படம் என்பதால் தற்காலிகமாக தளபதி 69 என்று தலைப்பு வைக்கப்பட்டுள்ளது. இந்த படத்தை ஹெச். வினோத் இயக்க கே வி என் ப்ரொடக்ஷன்ஸ் நிறுவனம் படத்தை தயாரிக்கிறது. அனிருத் இதற்கு இசையமைக்கிறார். சத்யன் சூரியன் இதன் ஒளிப்பதிவு பணிகளை கவனிக்கிறார். நடிகர் விஜய் தற்போது அரசியல்வாதியாக மாறி இருப்பதால் விஜயின் கடைசி படம் என்பதால் தளபதி 69 படத்தில் மீதான எதிர்பார்ப்பு ஆரம்பத்தில் இருந்தே அதிகமாக இருந்து வருகிறது. அதன்படி கடந்த சில தினங்களுக்கு முன்னர் இந்த படத்தின் படப்பிடிப்புகளும் தொடங்கப்பட்டு விறுவிறுப்பாக நடைபெற்று வருகிறது. மேலும் இந்த படமானது அடுத்த ஆண்டு அக்டோபர் மாதத்தில் திரைக்கு கொண்டுவர திட்டமிடப்பட்டுள்ளது. 
இந்நிலையில் இந்த படத்தில் சிவராஜ் குமார் இணைய இருப்பதாக புதிய அப்டேட் வெளிவந்துள்ளது. அதன்படி சமீபத்தில் நடந்த பேட்டி ஒன்றில் பேசிய சிவராஜ்குமார்,”தளபதி 69 படத்தில் ஒரு அழகான கேரக்டரில் நடிப்பதற்கு எனக்கு அழைப்பு வந்தது. என்னுடைய தேதிகள் காரணமாக அது எப்படி உருவாகும் என்று எனக்கு தெரியவில்லை. நடிகர் விஜய் ஒரு நல்ல மனிதர். அவர் தொடர்ந்து படங்களில் நடிக்க வேண்டும் என்பது என்னுடைய விருப்பம்” என்று தெரிவித்துள்ளார்.
கன்னட சூப்பர் ஸ்டார் சிவராஜ் குமார் ஏற்கனவே ரஜினியின் ஜெயிலர் திரைப்படத்திலும் தனுஷின் கேப்டன் மில்லர் திரைப்படத்திலும் சிறப்பு தோற்றத்தில் நடித்திருந்தார் என்பது குறிப்பிடத்தக்கது.