சூர்யாவின் 42 வது படமாக உருவாகி வரும் திரைப்படம் தான் கங்குவா. சிறுத்தை சிவா இயக்கி வரும் இந்தப் படத்தில் சூர்யாவுடன் இணைந்து திஷா பதானி, யோகி பாபு, கோவை சரளா ஆகியோர் முக்கிய கதாபாத்திரங்களில் நடித்துள்ளனர். 
மேலும் படத்தில் வில்லனாக பாபி தியோல் நடித்துள்ளார். இந்த படத்தின் படப்பிடிப்பு ஏற்கனவே நிறைவடைந்த நிலையில் தற்போது பின்னணி வேலைகள் நடைபெற்று வருகின்றன. அதேசமயம் படமானது 2024 அக்டோபர் 10 அன்று உலகம் முழுவதும் வெளியாகும் என்று அறிவிக்கப்பட்டுள்ளது. இதற்கிடையில் படத்தின் டீசர் மற்றும் முதல் பாடலும் வெளியாகி ரசிகர்களின் கவனம் பெற்றன. அதைத்தொடர்ந்து படத்தில் பல ட்விஸ்ட்கள் இருப்பதாக சமீப காலமாக செய்திகள் வெளியாகி வருகிறது. அதாவது கங்குவா திரைப்படத்தின் இறுதியில் நடிகர் கார்த்தி வில்லனாக தோன்றுவதாகவும் அந்தக் காட்சி கங்குவா இரண்டாம் பாகத்தின் லீடாக இருக்கும் எனவும் சொல்லப்படுகிறது. அதேசமயம் கங்குவா இரண்டாம் பாகத்தில் கார்த்திக்கும் சூர்யாவிற்கும் இடையிலான காட்சிகள் தான் பெரும்பாலும் இடம்பெறும் எனவும் சினிமா வட்டாரங்கள் தெரிவிக்கின்றன.
Boby Deol & Karthi Vs Suriya #Kanguva pic.twitter.com/o6gcytkFzq
— Kerala Suriya Fans – KSF ™ (@KSF_Offl) July 29, 2024
இதனை கங்குவா படக்குழு உறுதி செய்துள்ளது. அதாவது பாடலாசிரியர் விவேகா சமீபத்தில் நடந்த பேட்டியில் இது குறித்த தகவலை பகிர்ந்துள்ளார். ஏற்கனவே கைதி 2 திரைப்படத்தில் கார்த்திக்கு வில்லனாக சூர்யா நடிப்பார் என்று எதிர்பார்க்கப்பட்டது. ஆனால் அதற்கு முன்பாகவே அந்த காம்போ கங்குவா திரைப்படத்தில் இணைந்திருப்பது ரசிகர்களுக்கு பெரும் இன்ப அதிர்ச்சியை தந்துள்ளது. எனவே ரசிகர்கள் பலரும் கங்குவா திரைப்படத்தை காண மிகுந்த ஆவலுடன் காத்துக் கொண்டிருக்கின்றனர் என்பது குறிப்பிடத்தக்கது.