வருண் தவானுக்கு ஜோடியாகும் கீர்த்தி சுரேஷ்……. எந்த படத்தில் தெரியுமா?

தெறி இந்தி ரீமேக் படத்தின் கதாநாயகி குறித்த தகவல் வெளியாகியுள்ளது.
ராஜா ராணி திரைப்படத்தின் மூலம் இயக்குனராக அறிமுகமானவர் அட்லீ. இவர் விஜய் நடிப்பில் தெறி, மெர்சல், பிகில் உள்ளிட்ட வெற்றி படங்களை கொடுத்துள்ளார்.

மேலும் இயக்குனர் அட்லி தமிழ் சினிமாவில் மட்டுமல்லாமல் இந்திய அளவில் பிரபலமாகியுள்ளார். அந்த வகையில் இவர் தற்போது ஷாருக்கான், விஜய் சேதுபதி, நயன்தாரா, தீபிகா படுகோன் கூட்டணியில் ஜவான் திரைப்படத்தை உருவாக்கி வருகிறார்.

தற்போது அட்லீ இயக்கிய விஜயின் தெறி படம் இந்தியில் ரீமேக் செய்யப்படுகிறது என்று ஏற்கனவே செய்திகள் வெளியாகி இருந்தது.

அதன்படி தெறி இந்தி ரீமேக்கில் ஹாலிவுட் நடிகர் வருண் தவான் விஜயின் கதாபாத்திரத்தில் நடிப்பதாக கூறப்பட்டது. மேலும் இந்த படத்தை தமிழில் ஜீவா நடிப்பில் வெளியான கீ திரைப்படத்தை இயக்கிய காலீஸ் இயக்குகிறார் என்ற தகவலும் வெளியானது. அத்துடன் இயக்குனர் அட்லீயே இந்த படத்தை தயாரிப்பதாகவும் அடுத்த ஆண்டில் கோடை விடுமுறையில் இந்த படம் வெளியாக இருப்பதாகவும் ஏற்கனவே வெளியான தகவல்கள் தெரிவித்திருந்தன.

இந்நிலையில் வருண் தவானின் 18 வது படமான இந்த படத்தில் கீர்த்தி சுரேஷ் கதாநாயகியாக நடிக்க உள்ளதாக செய்திகள் பரவி வருகிறது. இந்த படத்தின் மூலம் கீர்த்தி சுரேஷ் பாலிவுட்டில் அறிமுகமாகிறார் என்பது குறிப்பிடத்தக்கது.

எனினும் இது சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது.