கிடா திரைப்படத்தின் முன்னோட்டத்தை படக்குழு வெளியிட்டுள்ளது.
ஶ்ரீ ஸ்ரவந்தி மூவீஸ் நிறுவனத்தின் தயாரிப்பில், அறிமுக இயக்குநர் ரா.வெங்கட் இயக்கி இருக்கும் திரைப்படம் கிடா. படத்தில் பூ ராமு மற்றும் காளி வெங்கட் ஆகியோர் முக்கிய கதாபாத்திரங்களில் நடித்துள்ளனர். மாஸ்டர் தீபன், பாண்டியம்மா, லோகி, கமலி, ஆகியோர் முக்கிய கதாபாத்திரங்களில் நடித்துள்ளனர். தமிழ் சினிமாவை உயர்த்தி பிடிக்கும் படைப்பாக கிடா திரைப்படம் உருவாகி இருக்கிறது.
மதுரை அருகே உள்ள ஒரு கிராமத்தில் வாழும் ஒரு சிறுவனுக்கும், அவனது தாத்தாவிற்கும் உள்ள உறவை சொல்லும் கதை கிடா திரைப்படம். இந்த திரைப்படம் முழுவதுமாக முடிந்தவடைந்த நிலையில், திரைக்கு வருவதற்கு முன்னதாகவே கோவா திரைப்பட விழாவில் தேர்வாகி அசத்தியுள்ளது. கோவா திரைப்படவிழாவில் இந்தியன் பனோரமா பிரிவில் தேர்வாகியுள்ள மூன்று தமிழ்ப் படங்களில், ஒரு படமாக கிடா படம் தேர்வாகியது.
இந்நிலையில், கிடா படத்தின் முன்னோட்டத்தை படக்குழு வெளியிட்டுள்ளது. இது சமூக வலைதளங்களில் வைரலாகி வருகிறது
