குஷி படத்தில் ஓடிடி ரிலீஸ் குறித்த அப்டேட் வெளியாகியுள்ளது.
விஜய் தேவரகொண்டா மற்றும் சமந்தா நடிப்பில் குஷி திரைப்படம் உருவாகியுள்ளது. மைத்ரி மூவி மேக்கப் நிறுவனமும் லைக்கா நிறுவனமும் இணைந்து இப்படத்தை தயாரித்துள்ளது. இதில் விஜய் தேவரகொண்டா, சமந்தாவுடன் இணைந்து ரோகிணி, லட்சுமி, சரண்யா பொன்வண்ணன், சச்சின் ஹெடேக்கர் உள்ளிட்டோர் நடித்துள்ளனர். இந்த படத்தை சிவா நிர்வனா இயக்கியுள்ளார். ஹேசம் அப்துல் வாகப் இதற்கு இசை அமைத்துள்ளார். இந்த படம் கடந்த செப்டம்பர் 1ஆம் தேதி உலகம் முழுவதும் வெளியானது. தெலுங்கில் உருவாகியுள்ள இந்த படம் தமிழ், மலையாளம், இந்தி, கன்னடம் உள்ளிட்ட மொழிகளில் டப் செய்யப்பட்டு பான் இந்தியா திரைப்படமாக வெளியிடப்பட்டுள்ளது.
எளிமையான காதல் கதையை மையமாக வைத்து ஃபேமிலி என்டர்டயினர் படமான இந்தப் படம் தற்போது வரை 80 கோடிக்கு மேல் வசூல் செய்துள்ளது. இந்நிலையில் இந்த படம் வருகின்ற அக்டோபர் 6ம் தேதி நெட்ஃபிலிக்ஸ் ஓடிடி தளத்தில் வெளியாக இருப்பதாக தற்போதைய தகவல்கள் தெரிவிக்கின்றன.