ஐஸ்வர்யா ரஜினிகாந்த் 3, வை ராஜா வை உள்ளிட்ட படங்களுக்குப் பிறகு இயக்கியுள்ள படம் லால் சலாம். இந்த படத்தில் விக்ராந்த் மற்றும் விஷ்ணு விஷால் முன்னணி கதாபாத்திரங்களில் நடித்துள்ளனர். நடிகர் ரஜினிகாந்த் இந்த படத்தில் மொய்தீன் பாய் என்னும் கதாபாத்திரத்தில் சிறப்பு தோற்றத்தில் நடித்துள்ளார். ரஜினிக்கு ஜோடியாக நிரோஷா நடித்துள்ளார். மேலும் லால் சலாம் படமானது கிரிக்கெட் சம்பந்தமான கதைக்களம் என்பதால் கிரிக்கெட் வீரர் கபில்தேவ் நடித்துள்ளார். லைக்கா ப்ரொடக்ஷன்ஸ் நிறுவனத்தின் சார்பில் சுபாஸ்கரன் இந்த படத்தை தயாரிக்க ஏ ஆர் ரகுமான் இசையமைத்துள்ளார். 
சில தினங்களுக்கு முன்பாக படத்தின் டீசர் வெளியான நிலையில் அதை தொடர்ந்து முதல் இரண்டு பாடல்களும் வெளியாகி நல்ல வரவேற்பை பெற்றது. இப்படம் பொங்கல் தினத்தை முன்னிட்டு வெளியாக இருப்பதாக ஏற்கனவே அறிவிக்கப்பட்டிருந்தது. ஆனால் ஒரு சில காரணங்களால் ரிலீஸ் தேதி தள்ளிப்போனது. அதன்படி இப்படம் வருகின்ற பிப்ரவரி 9ம் தேதி வெளியாக இருப்பதாக சமீபத்தில் அறிவிக்கப்பட்டது.
Celebration awaits! 🤩✨ Join us for the star-studded GRAND AUDIO LAUNCH EVENT of Lal Salaam this Friday, Jan 26 🗓️ at Sri Sairam Institute of Technology, Chennai. 📍 Get ready for another classic album from our ‘Isaipuyal’ AR Rahman & of course our Thalaivar’s Kutty Kadhai!… pic.twitter.com/600UiDCiD4
— Lyca Productions (@LycaProductions) January 23, 2024
இந்நிலையில் இந்த படத்தின் பிரம்மாண்ட இசை வெளியீட்டு விழா சென்னையில் உள்ள சாய்ராம் கல்லூரியில் வருகின்ற ஜனவரி 26 அன்று நடைபெற இருப்பதாக பட குழுவினர் வீடியோ ஒன்றை வெளியிட்டு அதிகாரப்பூர்வமாக அறிவித்துள்ளனர். அந்த வீடியோவில் மாலை 4 மணி முதல் இசை வெளியீட்டு விழா நடைபெற இருப்பதாக குறிப்பிடப்பட்டுள்ளது.