நடிகர் சூர்யா, சிறுத்தை சிவா இயக்கத்தில் நடித்திருந்த கங்குவா திரைப்படம், மிகப் பிரம்மாண்டமாகவும் மிகுந்த எதிர்பார்ப்புகளுடனும் உருவாகி இருக்கிறது. 
அந்த வகையில் 3D தொழில்நுட்பத்தில் பீரியாடிக் படமாக உருவாகி இருக்கும் இந்த படத்தினை ஸ்டுடியோ கிரீன் நிறுவனம் தயாரித்துள்ளது. தேவி ஸ்ரீ பிரசாத் இதற்கு இசையமைத்திருக்கிறார். கடந்த சில தினங்களுக்கு முன்பாக இந்த படத்தின் டிரைலர் வெளியாகி படத்தின் மீதான எதிர்பார்ப்பை எக்கச்சக்கமாக அதிகப்படுத்தி உள்ளது. 
அதேசமயம் இரண்டு பாகங்களாக வெளியாக உள்ள இந்த படத்தில் சூர்யாவிற்கு வில்லனாக நடிகர் கார்த்தி நடிக்கிறார் என்ற தகவலும் ரசிகர்களுக்கு இன்ப அதிர்ச்சியை தந்ததோடு மட்டுமில்லாமல் படத்தின் மீதான ஆர்வத்தையும் தூண்டியது. ஆகையினால் இத்திரைப்படத்தை திரையரங்குகளில் காண ரசிகர்கள் பலரும் நீண்ட நாட்களாக எதிர்பார்த்து காத்துக் கொண்டிருக்கும் நிலையில் கடந்த சில தினங்களுக்கு முன்பாக இப்படம் வருகின்ற அக்டோபர் 10-ஆம் தேதி வெளியாகும் என்று அறிவிக்கப்பட்டது. ஆனால் அதே நாளில் ரஜினியின் வேட்டையன் திரைப்படம் வருவதால் கங்குவா படத்தின் ரிலீஸ் தேதி ஒத்திவைக்கப்பட்டது.
மேலும் இந்த படம் வருகின்ற நவம்பர் 14 அல்லது நவம்பர் 15ஆம் தேதி வெளியாகும் என்று சமூக வலைதளங்களில் தொடர்ந்து செய்திகள் பரவி வந்தன. ஆனால் தற்போது கிடைத்த தகவல் என்னவென்றால் இத்திரைப்படம் நவம்பர் 13ஆம் தேதி புதன்கிழமை அன்று வெளியாக இருப்பதாகவும் இது தொடர்பான அதிகாரப்பூர்வ அறிவிப்பு படக்குழுவினர் சார்பில் விரைவில் வெளியிடப்படும் எனவும் சினிமா வட்டாரங்கள் தெரிவிக்கின்றன.