விஷால் இயக்கி நடிக்கும் துப்பறிவாளன் 2 படத்தின் லேட்டஸ்ட் தகவல் வெளியாகியுள்ளது.
கடந்த 2017 ஆம் ஆண்டு மிஸ்கின் இயக்கத்தில் விஷால் நடித்து வெளியான திரைப்படம் தான் துப்பறிவாளன். இந்த படம் ரசிகர்கள் மத்தியில் மிகப்பெரிய வரவேற்பை பெற்றது. எனவே அடுத்ததாக இயக்குனர் மிஸ்கின் துப்பறிவாளன் 2 திரைப்படத்தை இயக்கத்திட்டமிட்ட நிலையில் விஷாலுக்கும் மிஸ்கினுக்கும் இடையில் ஏற்பட்ட கருத்து வேறுபாடு காரணமாக துப்பறிவாளன் 2 படத்தின் படப்பிடிப்பு அப்படியே நிறுத்தப்பட்டது. அதன் பின்னர் நடிகர் விஷால் இந்த படத்தை தானே இயக்கி நடிக்கப் போவதாக முடிவு எடுத்தார். அதற்கான முதற்கட்ட பணிகளையும் செய்து வந்தார் விஷால். அதன்படி கடந்த மே மாதமே இந்த படத்தின் படப்பிடிப்புகள் தொடங்கப்பட இருப்பதாக வீடியோ ஒன்றை வெளியிட்டு அறிவித்திருந்தார் விஷால். ஆனால் வணிகர் ரீதியிலான பிரச்சனை காரணமாக துப்பறிவாளன் 2 படத்தின் படப்பிடிப்பு மே மாதம் தொடங்கப்படவில்லை என்று சொல்லப்படுகிறது. அத்துடன் இந்த படம் கைவிடப்பட்டதாகவும் தகவல் வெளியானது.
இந்நிலையில் துப்பறிவாளன் 2 படம் குறித்த லேட்டஸ்ட் அப்டேட் வெளியாகியிருக்கிறது. அதாவது துப்பறிவாளன் 2 திரைப்படத்தின் படப்பிடிப்பு வருகின்ற டிசம்பர் மாதத்தில் தொடங்கும் என புதிய தகவல்கள் தெரிவிக்கின்றன. மேலும் நடிகர் விஷால் துப்பறிவாளன் 2 படத்தின் திரைக்கதையில் சில மாற்றங்களை செய்து வருவதாகவும் இதன் படப்பிடிப்பினை அஜர்பைஜான், லண்டன், மலேசியா போன்ற நாடுகளில் நடத்த திட்டமிட்டுள்ளார் எனவும் லேட்டஸ்ட் அப்டேட் வெளிவந்துள்ளது. விரைவில் படப்பிடிப்பு தொடங்குவது தொடர்பான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.