லோகேஷ் கனகராஜ், தமிழ் சினிமாவின் ட்ரெண்டிங் இயக்குனர்களில் ஒருவராவார். 1986 மார்ச் 14ஆம் தேதி கோயம்புத்தூர் கிணத்துக்கடவு என்ற பகுதியில் பிறந்த இவர், 2016 ஆம் ஆண்டு அவியல் என்ற குறும்படத்தின் மூலம் தனது திரைப்பயணத்தை தொடங்கியவர்.
பின்னர் மாநகரம் என்ற படத்தை இயக்கினார். இந்த படம் ரசிகர்கள் மத்தியில் நல்ல வரவேற்பை பெற்ற நிலையில் அடுத்ததாக நடிகர் கார்த்தியை வைத்து கைதி படத்தை இயக்கி ரசிகர்கள் மத்தியில் பிரபலமடைந்தார். கைதி படத்தின் பிரம்மாண்ட வெற்றிக்குப் பிறகு லோகேஷ் சினிமாட்டிக் யுனிவர்ஸ் என்ற கான்செப்ட்டை உருவாக்கி இவருடைய அடுத்தடுத்த படங்களின் மீதான எதிர்பார்ப்பை தூண்டினார். அந்த வகையில் கைதி, விக்ரம், லியோ உள்ளிட்ட படங்கள் இவருடைய LCU வில் அடங்கும். இதற்கிடையில் லோகேஷ் கனகராஜ், விஜய் நடிப்பில் மாஸ்டர் திரைப்படத்தை இயக்கியிருந்தார் என்பது குறிப்பிடத்தக்கது. கடைசியாக இவர் இயக்கியிருந்த லியோ திரைப்படம் கலவையான விமர்சனங்களை பெற்ற போதிலும் வசூல் ரீதியாக பிளாக்பஸ்டர் ஹிட் அடித்தது. அடுத்ததாக சூப்பர் ஸ்டார் ரஜினிகாந்தை இயக்க இருக்கிறார் லோகேஷ். அதன்படி தலைவர் 171 படமாக உருவாக இருக்கும் படத்திற்கான ஸ்கிரிப்ட் எழுதும் பணிகளில் லோகேஷ் தீவிரமாக ஈடுபட்டு வருகிறார்.
Today’s birthday celebration video of #LokeshKanagaraj🎉
LOKIVERSE Theme – LCU Cake❤️🔥❤️🔥 pic.twitter.com/LJ7wDhP3JN
— AmuthaBharathi (@CinemaWithAB) March 14, 2024
இதன் படப்பிடிப்புகளும் ஏப்ரல் மாதத்தில் தொடங்க இருப்பதாக கூறப்படுகிறது. இந்நிலையில் தனது 38வது பிறந்த நாளை கொண்டாடிவரும் லோகேஷ் கனகராஜ், தனது நண்பர்களுடன் இணைந்து கேக் வெட்டி தனது பிறந்த நாளை கொண்டாடியுள்ளார். இது சம்பந்தமான வீடியோ தற்போது சமூக வலைதளங்களில் வைரலாகி வருகிறது.