இயக்குனர் லோகேஷ் கனகராஜ் தமிழ் சினிமாவில் வலம் வரும் முக்கியமான இயக்குனர்களில் ஒருவர் ஆவார். இவர் ஆரம்பத்தில் மாநகரம் என்ற திரைப்படத்தை இயக்கியதன் மூலம் இயக்குனராக காலடி எடுத்து வைத்தவர். 
அடுத்தது இவர் கார்த்தி நடிப்பில் கைதி, விஜய் நடிப்பில் மாஸ்டர் மற்றும் லியோ, கமல் நடிப்பில் விக்ரம் உள்ளிட்ட படங்களை இயக்கி அடுத்தடுத்து வெற்றி கண்டார். தற்போது இவர் சூப்பர் ஸ்டார் ரஜினிகாந்த் நடிப்பில் உருவாகி வரும் கூலி திரைப்படத்தை இயக்கி வருகிறார். இந்த படத்தின் படப்பிடிப்புகள் விறுவிறுப்பாக நடைபெற்று வருகிறது. படமானது அடுத்த ஆண்டு ஏப்ரல் மாதத்தில் திரைக்கு கொண்டு வர திட்டமிடப்பட்டுள்ளது. இது ஒரு பக்கம் இருக்க, மற்றொரு பக்கம் லோகேஷ் கனகராஜ், எல்சியு – லோகேஷ் சினிமாட்டிக் யுனிவர்ஸ் என்ற கான்செப்ட்டை உருவாக்கி என்ற அதன் மூலம் பல படங்களை இயக்கி வருகிறார். அந்த வகையில் இவரது இயக்கத்தில் வெளியான கைதி, விக்ரம், லியோ போன்ற படங்கள் எல்சியு – வின் கீழ் அடங்கும். 
அடுத்தது கைதி 2 திரைப்படத்தையும் இயக்க திட்டமிட்டுள்ளார் லோகேஷ். இதற்கிடையில் இவர் எல்சியு உருவான விதம் பற்றி ஒரு குறும்படத்தை உருவாக்கி இருக்கிறார். அதன்படி 10 நிமிட குறும்படமாக உருவாகி இருக்கும் இந்த படத்திற்கு சாப்டர் ஜீரோ என்ற தலைப்பு வைக்கப்பட்டுள்ளது. தற்போது இந்த குறும்படத்தின் ஃபர்ஸ்ட் லுக் போஸ்டரை லோகேஷ் கனகராஜ் தனது சமூக வலைதள பக்கத்தில் வெளியிட்டுள்ளார். இந்த குறும்படம் விரைவில் நெட்பிளிக்ஸ் தளத்தில் வெளியாகும் என்று எதிர்பார்க்கப்படுகிறது.