துல்கர் சல்மான் நடிக்கும் லக்கி பாஸ்கர்… முதல் பாடல் ரிலீஸ் தேதி அறிவிப்பு…

துல்கர் சல்மான் நடிப்பில் உருவாகி இருக்கும் லக்கி பாஸ்கர் திரைப்படத்திலிருந்து முதல் பாடல் நாளை ஜூன் 19-ம் தேதி வெளியாகும் என்று படக்குழு அறிவித்துள்ளது.

அன்று முதல் இன்று வரை இளம் நாயகனாகவே திரையுலகில் வலம் வரும் பான் இந்தியா நடிகர் துல்கர் சல்மான். இவர் மலையாள நடிகராக இருந்தாலும், தமிழ், தெலுங்கு, மலையாளம், இந்தி என அனைத்திந்திய மொழிகளிலும் இவருக்கு பல கோடி ரசிகர்களும், ஏராளமான ரசிகைகளும் உள்ளனர். மலையாளம் மட்டுமன்றி தமிழ், தெலுங்கு மற்றும் இந்தி மொழிகளிலும் சிறந்த கதைகளை தேர்வு செய்து அவர் நடித்து வருகிறார். இறுதியாக அவரது நடிப்பில் பான் இந்தியா அளவில் வௌியான சீதா ராமம் திரைப்படம் ரசிகர்கள் மத்தியில் ஏகபோக வரவேற்பை பெற்றது.

இந்நிலையில், துல்கர் சல்மான் நடிப்பில் உருவாகி இருக்கும் புதிய திரைப்படம் தான் லக்கி பாஸ்கர். வெங்கி அட்லுரி இத்திரைப்படத்தை இயக்கி உள்ளார். இவர் தனுஷை வைத்து வாத்தி படத்தை இயக்கியவர் ஆவார். படத்தின் பின்னணி வேலைகள் நடைபெற்று வருகின்றன. இந்தப் படத்தை சித்தாரா என்டர்டெயின்மென்ட் நிறுவனமும் ஃபார்ச்சூன் போர் சினிமாஸ் நிறுவனமும் இணைந்து தயாரிக்கிறது. இதில் துல்கர் சல்மான் உடன் இணைந்து மீனாட்சி சவுத்ரி நாயகியாக நடிக்கிறார். படத்திற்கு ஜிவி பிரகாஷ்குமார் இசை அமைக்கிறார்.

லக்கி பாஸ்கர் படத்தின் போஸ்டர் மற்றும் டீசர் ஏற்கனவே வெளியாகி வரவேற்பை பெற்றது. இந்நிலையில், இத்திரைப்படத்தின் முதல் பாடல் நாளை ஜூன் 19-ம் தேதி வெளியாகும் என்று படக்குழு அறிவித்துள்ளது. வரும் செப்டம்பர் 27ம் தேதி லக்கி பாஸ்கர் திரைப்படம் திரையரங்குகளில் வௌியாகிறது.