தமிழ் சினிமாவில் பல படங்கள் நீண்ட வருடங்களாக ரிலீஸ் செய்யப்படாமல் கிடப்பில் போடப்பட்டு இருக்கிறது. 
அதில் சுந்தர்.சி ,விஷால், சந்தானம் கூட்டணியில் உருவாகியிருந்த மதகஜராஜா திரைப்படம் கிட்டத்தட்ட 12 வருடங்களுக்கு பிறகு கடந்த ஜனவரி 12ஆம் தேதி பொங்கல் தினத்தை முன்னிட்டு திரைக்கு கொண்டுவரப்பட்டது. காமெடி கலந்த கதைக்களத்தில் வெளியான இந்த படம் ரசிகர்கள் மத்தியில் ஏகபோக வரவேற்பை பெற்று வெற்றி நடை போட்டு வருகிறது. இவ்வாறு 12 வருடங்களுக்கு முன்பாக எடுக்கப்பட்ட மதகஜராஜா திரைப்படத்தினை ஒரு புதிய படமாகவே ரசிகர்கள் கொண்டாடி வருகின்றனர். எனவே அதேபோல் 8 வருடங்களுக்கு முன்பாக எடுக்கப்பட்ட விக்ரமின் துருவ நட்சத்திரம் திரைப்படம் எப்போது திரைக்கு வரும் என்ற எதிர்பார்ப்பு இருந்து வருகிறது.
அதாவது கடந்த 2017 ஆம் ஆண்டு கௌதம் வாசுதேவ் மேனன் இயக்கத்தில் விக்ரம் நடிப்பில் உருவான திரைப்படம் தான் துருவ நட்சத்திரம். இந்த படத்தில் விக்ரமுடன் இணைந்து ரித்து வர்மா, சிம்ரன், ராதிகா சரத்குமார், திவ்யதர்ஷினி, விநாயகன் மற்றும் பலர் நடித்திருக்கின்றனர். ஒன்றாக நிறுவனம் இந்த படத்தை தயாரிக்க ஹாரிஸ் ஜெயராஜ் இதற்கு இசை அமைத்திருக்கிறார். மனோஜ் பரமஹம்சா இதன் ஒளிப்பதிவு பணிகளை கவனித்துள்ளார். இந்த படம் கடந்த 2023 ஆம் ஆண்டு நவம்பர் மாதத்தில் திரைக்கு வரும் என அறிவிக்கப்பட்டு கடைசி நேரத்தில் ரிலீஸ் ஆகாமல் போனது. 
இது ரசிகர்களுக்கு மிகப்பெரிய ஏமாற்றத்தை தந்தது. எனவே தற்போது மதகஜராஜா படத்தின் வெற்றியை கொண்டாடி வரும் ரசிகர்கள் துருவ நட்சத்திரம் படத்தின் ரிலீஸுக்காகவும் காத்துக்கொண்டிருக்கின்றனர். எனவே இனிவரும் நாட்களில் துருவ நட்சத்திரம் படத்தின் புதிய ரிலீஸ் தேதி அறிவிக்கப்படும் என நம்பப்படுகிறது.