நடிகர் மாதவன் தமிழ் சினிமாவில் முன்னணி நடிகராக வலம் வருபவர். அதேசமயம் இவர் தமிழ் மொழி மட்டுமல்லாமல் இந்தி மொழி படங்களிலும் நடித்து ரசிகர்களை வெகுவாக கவர்ந்து வருகிறார். 
அந்த வகையில் கடைசியாக சைத்தான் எனும் திரைப்படத்தில் வில்லனாக நடித்திருந்தார் மாதவன். இந்த படம் வசூல் ரீதியாகவும் விமர்சன ரீதியாகவும் பிளாக்பஸ்டர் ஹிட் அடித்தது. அடுத்ததாக இவர் டெஸ்ட் என்ற திரைப்படத்திலும் நடித்திருக்கிறார். இந்த படத்தில் நயன்தாரா, சித்தார்த் ஆகியோர் மாதவனுடன் இணைந்து முக்கிய கதாபாத்திரங்களில் நடித்துள்ளனர். இந்த படத்தை சசிகாந்த் இயக்கியிருக்கிறார். மேலும் நடிகர் மாதவன் யாரடி நீ மோகினி, திருச்சிற்றம்பலம் ஆகிய படங்களின் மூலம் ரசிகர்களை வெகுவாகக் கவர்ந்த மித்ரன் ஆர் ஜவஹர் இயக்கத்தில் புதிய படம் ஒன்றில் நடித்து வருகிறார்.
இந்த படத்தின் படப்பிடிப்பை ஏற்கனவே தொடங்கப்பட்டு விறுவிறுப்பாக நடைபெற்று வருகிறது. இந்நிலையில் இதன் படப்பிடிப்பை இறுதிக்கட்டத்தை நெருங்கியுள்ளதாக தற்போதைய தகவல்கள் தெரிவிக்கின்றன. விரைவில் இது தொடர்பான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது. இந்த படத்தில் மாதவனுடன் இணைந்து மடோனா செபாஸ்டியன் நடிக்கிறார். மேலும் ராதிகா சரத்குமாரும் இந்த படத்தில் முக்கிய கதாபாத்திரத்தில் நடித்து வருகிறார். இந்த படத்துக்கு அதிர்ஷ்டசாலி என்று தலைப்பு வைக்கப்பட்டுள்ளதாக சொல்லப்படுகிறது.
- Advertisement -