தனுஷ் நடிப்பில் வெளியான யாரடி நீ மோகினி, உத்தம புத்திரன், திருச்சிற்றம்பலம் போன்ற படங்களை இயக்கி வெற்றி இயக்குனராக இருப்பவர் மித்ரன் R ஜவகர். இவர் இயக்கத்தில் கடைசியாக வெளிவந்த திருச்சிற்றம்பலம் திரைப்படம் ஒரு நல்ல ஃபீல் குட் மூவியாக பாக்ஸ் ஆபிஸில் 100 கோடியை வசூல் செய்தது. சன் பிக்சர்ஸ் தயாரித்திருந்த இப்படத்திற்கு அனிருத் இசையமைத்திருந்தார். தொடர்ந்து பீல் குட் படங்கள் பாணியிலேயே படங்களை இயக்கி வருகிறார் மித்ரன் ஜவகர். இதற்கிடையே இவர் அடுத்ததாக மாதவனை வைத்து ஒரு படம் இயக்கப் போவதாகவும் ஏற்கனவே செய்திகள் வெளி வந்தன. இந்நிலையில் இந்த படத்திற்கு “அதிர்ஷ்டசாலி” என்று தலைப்பிடப்பட்டுள்ளதாக தகவல்கள் வெளியாகி உள்ளன. இப்படமும் திருச்சிற்றம்பலம் படம் போலவே ஒரு மென்மையான கதையம்சம் கொண்ட ஃபீல் குட் மூவியாகவே தயாராக உள்ளதாம். இப்படத்திற்கான கதையை நடிகர் மாதவனே எழுதியுள்ளார்.
இப்படத்தில் மாதவனுக்கு ஜோடியாக ஷர்மிளா மந்த்ரே நடிக்கிறார். படத்தின் படப்பிடிப்புகள் தற்போது ஸ்காட்லாந்தில் நடைபெற்று வருகின்றன. மேலும் இப்படத்தில் நடிகை ராதிகா ஒரு முக்கிய கதாபாத்திரத்தில் நடித்து வருகிறார். இப்படத்தில் பணிபுரியும் டெக்னீசியன்கள் மற்றும் பிற நடிகர் குறித்த அறிவிப்புகளும் அடுத்தடுத்து வெளியாக உள்ளது. ஃபீல் குட் மூவிக்கு இசையும் பக்கபலமாக இருப்பதால், இப்படத்திற்கு யார் இசையமைக்கிறார்கள் என்பதும் ஸ்வீட் சர்ப்ரைஸாக இருக்கும் போல தெரிகிறது. மாதவன் நடிப்பில் வெளிவந்த பீல் குட் மூவியான மாறா திரைப்படம் ரசிகர்களை வெகுவாக கவர்ந்தது. மீண்டும் அதுபோன்றதொரு ஃபீல் குட் பாணியில் மாதவன் நடிப்பதால் இப்படமும் ரசிகர்களை கவரும் என எதிர்பார்க்கப்படுகிறது.
மாதவன், கங்கனா ரணாவத்துடன் இணைந்து புதிய படம் ஒன்றிலும் நடித்து வருகிறார் என்பது குறிப்பிடத்தக்கது.