விஜய் சேதுபதி நடிப்பில் வெளியான மகாராஜா திரைப்படம் வெற்றி தரமான 100வது நாளில் அடி எடுத்து வைத்துள்ளது.
விஜய் சேதுபதி நடிப்பில் கடந்த ஜூன் 14ஆம் தேதி வெளியான திரைப்படம் தான் மகாராஜா. இந்த படத்தில் விஜய் சேதுபதியுடன் இணைந்து பாரதிராஜா, அனுராக் காஷ்யப், அபிராமி, நட்டி நடராஜ், சிங்கம்புலி, மம்தா மோகன்தாஸ் உள்ளிட்ட பலரும் முக்கிய கதாபாத்திரங்களில் நடித்திருந்தனர். இந்த படத்தினை குரங்கு பொம்மை படத்தை இயக்கிய நித்திலன் சாமிநாதன் இயக்கியிருந்தார். இந்த படத்தினை பேஷன் ஸ்டுடியோஸ் நிறுவனம் தயாரித்திருந்தது. வித்தியாசமான கதைக்களத்தில் உருவாகியிருந்த இந்த படம் ரசிகர்கள் மத்தியில் ஏகபோக வரவேற்பை பெற்று மெகா ப்ளாக்பஸ்டர் ஹிட் அடித்தது. அதாவது ஹீரோவை விட திரைக்கதைக்கு முக்கியத்துவம் கொடுத்து ரசிகர்களை கவரும் வகையில் கதையை நகர்த்தி இருந்தார் நித்திலன் சாமிநாதன். 
அதே சமயம் படத்தில் நடித்த நடிகர்களும் அவர்களுக்கு கொடுக்கப்பட்ட கதாபாத்திரமாகவே நடித்து கைத்தட்டல் பெற்றனர். இவ்வாறு பல்வேறு தரப்பினரிடையே பாராட்டுகளை பெற்ற இந்த படம் கிட்டத்தட்ட 100 கோடிக்கும் அதிகமாக வசூல் செய்து சாதனை படைத்தது. அதைத்தொடர்ந்து ஓடிடியிலும் வெளியிடப்பட்ட படம் அதிலும் மகுடம் சூடியது. இன்று வரையிலும் பெரிய அளவில் பேசப்படும் மகாராஜா திரைப்படம் தற்போது 100வது நாளில் அடி எடுத்து வைத்துள்ளது. இதனை நித்திலன் சாமிநாதன் தனது சமூக வலைதள பக்கத்தில் போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளார்.