‘தக் லைஃப்’ படத்தைத் தொடர்ந்து மீண்டும் இணையும் மணிரத்னம், கமல் கூட்டணி?

மணிரத்னம், கமல் கூட்டணி மீண்டும் இணைய இருப்பதாக புதிய தகவல் வெளியாகி இருக்கிறது.

கடந்த 1987 ஆம் ஆண்டு மணிரத்னம் இயக்கத்தில் கமல்ஹாசன் நடிப்பில் நாயகன் எனும் திரைப்படம் வெளியானது. இந்தப் படத்தில் கமல்ஹாசன் உடன் இணைந்து சரண்யா, கார்த்திகா, டெல்லி கணேஷ், நிழல்கள் ரவி, நாசர் உள்ளிட்ட பலரும் முக்கிய கதாபாத்திரங்களில் நடித்திருந்தனர். இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் நல்ல வரவேற்பை பெற்று பல்வேறு விருதுகளையும் அள்ளியது. அடுத்ததாக பல வருடங்கள் கழித்து மணிரத்னம், கமல் கூட்டணியில் தக் லைஃப் எனும் திரைப்படம் தற்போது உருவாகி வருகிறது. ஆக்சன் கலந்த கேங்ஸ்டர் படமாக உருவாகி வரும் இந்த படத்தில் கமலுடன் இணைந்து சிம்பு, அபிராமி, நாசர், திரிஷா, அசோக் செல்வன், கௌதம் கார்த்திக், ஐஸ்வர்யா லக்ஷ்மி உள்ளிட்ட பிரபலங்கள் நடித்து வருகின்றனர். இந்த படத்தை மணிரத்னம், கமல்ஹாசன் ஆகியோர் இணைந்து தயாரித்து வருகின்றனர். எனவே மீண்டும் ஒருமுறை மணிரத்னத்துடன் இணைந்து பணியாற்ற கமல் விரும்புவதாக தற்போதைய தகவல்கள் தெரிவிக்கின்றன. ஆகையினால் தக் லைஃப் திரைப்படத்தின் ரிலீஸுக்கு பிறகு இவர்களது கூட்டணியில் உருவாகும் படம் குறித்த தகவல்கள் வெளியாகும் என்று எதிர்பார்க்கப்படுகிறது.