‘உங்கள் ஆதரவிற்கு நன்றி’…..மனம் நெகிழ்ந்த மறக்குமா நெஞ்சம் படக்குழுவினர்!

விஜய் டிவி புகழ் ரக்சன் நடிப்பில் பிப்ரவரி 2ஆம் தேதி திரையரங்குகளில் வெளியான மறக்குமா நெஞ்சம் திரைப்படம் ரசிகர்களை கவர்ந்து வருகிறது. பன்னிரண்டாம் வகுப்பு படிக்கும் டீன் ஏஜ் மாணவன் (ரக்சன்), தன்னுடன் பள்ளியில் படிக்கும் சக மாணவியை (மெலினா) ஒரு தலையாக காதலிக்கிறார். பள்ளி முடியும் தருவாயிலும் தன் காதலை வெளிப்படுத்தாமல் விட்டு விடுகிறார். பின்னர் பத்து ஆண்டுகள் கழித்து அவர்கள் மீண்டும் சந்திக்க நேரிடுகிறது. மீண்டும் அவர்கள் தங்கள் பள்ளிக்குச் சென்று தேர்வு எழுதும் படியான சூழலும் ஏற்பட்டு விடுகிறது. இத்தகைய சம்பவங்களை சுவாரஸ்யமாக சொல்லியுள்ள படம் தான் மறக்குமா நெஞ்சம். இன்று நம்மிடம் இருக்கும் உதிர்ந்த மனநிலையோடு நம் பள்ளிப் பருவம் நமக்கு திரும்பவும் வேண்டும் என்ற எண்ணம் நம்மில் பலருக்கும் இருக்கிறது. அந்த எண்ணத்தை திரை வடிவாக காட்டியுள்ளனர் படக்குழுவினர்.

#MarakkumaNenjam – Thanks note from the team for Audience response towards the movie 🤝pic.twitter.com/gA2OiwunuF

— AmuthaBharathi (@CinemaWithAB) February 5, 2024

நாகர்கோவில் மற்றும் அதனை சுற்றியுள்ள பகுதிகளை மிக அழகாக படமாக்கி இருந்தார் ஒளிப்பதிவாளர் கோபி துரைசாமி. படத்தின் கதைக்கு ஏற்ப மிக மென்மையான இசையால் கவர்கிறார் சச்சின் வாரியர். படத்தின் முதல் பாதியில் ஒரு சில குறைகள் இருந்தாலும் இளைஞர்கள் மத்தியில் படம் நல்ல வரவேற்பை பெற்று வருகிறது. தற்போது மக்கள் அளித்த இந்த ஆதரவுக்கு நன்றி தெரிவிக்கும் வகையில் பட குழுவினரான ரக்சன், தீனா, யோகேந்திரன் ஆகியோர் காரில் பயணித்தபடி ரசிகர்களுக்கு நன்றி தெரிவித்து வீடியோ ஒன்றை வெளியிட்டுள்ளனர். இந்த வீடியோ தற்போது சமூக வலைதளங்களில் அதிகம் பகிரப்பட்டு வருகிறது.