மிர்ச்சி சிவா நடிக்கும் சுமோ படத்தின் ரிலீஸ் குறித்து அறிவிப்பு வெளியாகி உள்ளது.
வெங்கட் பிரபு இயக்கத்தில் வெளியான சென்னை 600028, சரோஜா போன்ற படங்களின் மூலம் ரசிகர்கள் மத்தியில் பிரபலமானவர்தான் மிர்ச்சி சிவா. தொடர்ந்து இவர் தமிழ் படம், கலகலப்பு என பல வெற்றி படங்களில்
நடித்திருக்கிறார். 
தற்போது இவர் சூது கவ்வும் 2 திரைப்படத்தை கைவசம் வைத்துள்ளார். இதற்கிடையில் கடந்த சில வருடங்களுக்கு முன்பாகவே சுமோ என்ற திரைப்படத்தில் நடித்திருந்தார் மிர்ச்சி சிவா. இந்த படத்தினை எஸ் பி ஹோசிமின் இயக்க வேல்ஸ் ஃபிலிம் இன்டர்நேஷனல் நிறுவனம் படத்தினை தயாரித்திருந்தது. ராஜீவ் மேனன் இந்த படத்திற்கு ஒளிப்பதிவு செய்து இருக்கிறார். நிவாஸ் கே பிரசன்னா இதற்கு இசையமைத்துள்ளார். இந்த படத்தில் மிர்ச்சி சிவா உடன் இணைந்து பிரியா ஆனந்த் நடித்திருக்கிறார். வடசென்னை படத்திற்கு பிறகு இந்த கூட்டணி மீண்டும் இணைந்துள்ளது. மேலும் சதீஷ், யோகி பாபு, விடிவி கணேஷ், நிழல்கள் ரவி உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். 
காமெடி கலந்த கதை களத்தில் பொழுதுபோக்கு படமாக உருவாகியிருக்கும் இந்த படம் சில தவிர்க்க முடியாத காரணங்களால் நீண்ட நாட்களாக கிடப்பில் போடப்பட்டிருந்தது. இந்நிலையில் இந்த படம் 2024 அக்டோபர் மாதத்தில் வெளியாகும் என படக்குழுவினர் அதிகாரப்பூர்வமாக அறிவித்துள்ளனர். விரைவில் ரிலீஸ் தேதி குறித்த அறிவிப்பு வெளியாகும் என்று எதிர்பார்க்கப்படுகிறது.