மிஸ் யூ படத்தின் டீசர் ரிலீஸ் குறித்த தகவல் வெளியாகி உள்ளது.
சித்தார்த் நடிப்பில் உருவாகி இருக்கும் திரைப்படம் தான் மிஸ் யூ. 
இந்த படத்தை மாப்ள சிங்கம், களத்தில் சந்திப்போம் ஆகிய படங்களை இயக்கிய ராஜசேகர் இயக்கியுள்ளார். இந்த படத்தினை செவன் மில்லியன் பெர் செகண்ட் ப்ரொடக்ஷன்ஸ் நிறுவனம் தயாரிக்க ஜிப்ரான் இதற்கு இசை அமைத்திருக்கிறார். கே.ஜி. வெங்கடேஷ் இந்த படத்தின் ஒளிப்பதிவு பணிகளை கவனிக்கிறார். இந்த படத்தில் சித்தார்த்துக்கு ஜோடியாக ஆஷிகா ரங்கநாத் நடிக்க இவர்களுடன் இணைந்து கருணாகரன், பால சரவணன் உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். ரொமான்டிக் காதல் கதைக்களத்தில் உருவாகி இருக்கும் இந்த படத்தின் படப்பிடிப்புகள் ஏற்கனவே நிறைவடைந்து தற்போது பின்னணி வேலைகள் நடைபெற்று வருகின்றன. அதன்படி வருகின்ற நவம்பர் 29ஆம் இந்த படம் திரைக்கு வர தயாராகி வருகிறது. 
இதற்கிடையில் அடுத்தடுத்த பாடல்கள் வெளியாகி ரசிகர்களை கவர்ந்துள்ளன. தற்போது இந்த படத்தின் டீசர் குறித்த அறிவிப்பை படக்குழு வெளியிட்டுள்ளது. வருகின்ற நவம்பர் 12ஆம் தேதி (நாளை) காலை 11 மணியளவில் மிஸ் யூ படத்தின் டீசர் வெளியாகும் என படக்குழு புதிய போஸ்டர்களை வெளியிட்டு அறிவித்துள்ளது.
மேலும் நடிகர் சித்தார்த், ஸ்ரீ கணேஷ் இயக்கத்தில் தனது 40வது திரைப்படத்தில் நடித்து வருகிறார் என்பது குறிப்பிடத்தக்கது.