இசையமைப்பாளர் ஏ.ஆர்.ரஹ்மான் – சாய்ரா பானு தம்பதியர் தங்களது 29 ஆண்டுகால திருமண வாழ்க்கைக்கு விவாகரத்து மூலம் விடை கொடுக்கப்போவதாக அறிவித்தது உண்மையில் அத்தனை பேருக்கும் அதிர்ச்சியே.
இந்நிலையில், ஏ.ஆர்.ரஹ்மானின் இசைக்குழுவைச் சேர்ந்த பிரபல பேஸ் கிட்டாரிஸ்ட் மோஹினி தே தனது கணவர் மார்க் ஹார்ட்சஜை பிரிவதாக அறிவித்தை ஏ.ஆர்.ரஹ்மானின் விவாகரத்துடன் தொடர்புப்படுத்தி வளைத்து வளைத்து சமூக வலைதளத்தில் பலரும் பதிவிட்டு வந்தனர்.
ஹோஹினி டே உடனான தொடர்பால்தான் ரஹ்மான், தனது மனைவி சாய்ராவை விவாகரத்து செய்யப்போவதாக வதந்திகளை வகை வகையாக கிளப்பி வந்தனர் நெட்டிஷன்கள். இருப்பினும், தானாக முன் வந்து ‘‘அதற்கும், இதற்கும் சம்பந்தமில்லை’’ என சாய்ரா தனது வழக்கறிஞர் வந்தனா ஷா மூலம் மறுத்துள்ளார்.
மோகினி டே கொல்கத்தாவை பூர்வீகமாகக் கொண்டவர். ஆனால் மும்பையில் பிறந்து வளர்ந்தவர். 28 வயதான அவர் 9, வயதில் தனது முதல் பேஸ் கிதாரை கற்றுக் கொண்டார். அவர் தனது 11வது வயதில் மேடை நிகழ்ச்சிகளை நடத்தத் தொடங்கினார். அவரது தந்தையின் நண்பரான ரஞ்சித் பரோட், அவரது திறமையைக் கண்டு, தனது இசைக்குழுவின் சுற்றுப்பயணங்களுக்கு அழைத்துச் சென்றார். இந்திய ஜாஸின் காட்பாதர் என்று பிரபலமாக அறியப்படும் லூயிஸ் பேங்க்ஸ் தான் மோகினிடேவின் குருநாதர்.
மோகினி, விண்ட் ஆஃப் சேஞ்ச், கோக் ஸ்டுடியோ இந்தியா ஆகியவற்றிலும் இசைப்பணியாற்றியுள்ளார். ஏ.ஆர்.ரஹ்மானின் நிகழ்ச்சிகளிலும் கலந்து கொண்டுள்ளார். மோகினியும், அவரது முன்னாள் கணவர் மார்க் மாமோகி இசைக்குழுவில் ஒன்றாக பண்யாற்றியுள்ளனர். மோஹினி பல இசைமேட்தைகளுடன் வாசித்துள்ளார். ஸ்டீவ் வை, மார்கோ மின்னேமன், ஜோர்டான் ரூடெஸ் ஆஃப் ட்ரீம் தியேட்டர், ஜேசன் ரிச்சர்ட்சன், தேவா புட்ஜானா, ஜாகிர் ஹுசைன் மற்றும் வில்லோ ஸ்மித் ஆகியோருடன் இசைத்து மகிழ்ந்துள்ளார். ஆகஸ்ட் 2023 -ல், மோஹினி தனியாக தனது முதல் ஆல்பத்தை வெளியிட்டார்.
ரஹ்மானுடன், மோகினி டேக்கு 17 வயதாக இருக்கும் போது அறிமுகம் கிடைத்தது. கோக் ஸ்டுடியோ சீசன்- 3 நிகழ்ச்சிக்காக ரஹ்மானுடன் இசைத்த மோஹினி 2013 ஆம் ஆண்டு முதல் நீண்ட காலமாக அவருடன் பணிபுரிந்து வருகிறார். ரஹ்மானின் பல்வேறு இசை நிகழ்ச்சிகளில் பங்கேற்றுள்ளார்.
2015 ஆம் ஆண்டில் அமெரிக்கா மற்றும் கனடாவில், குளோபல் சிட்டிசன் இந்தியா ஃபெஸ்டிவல் 2016 என ரஹ்மான் இசை நிகழ்ச்சிகளுக்காக இந்தியா முழுவதும் அவருடன் சுற்றுப்பயணங்களில் இடம்பெற்றவர். 2015-ல் ரஹ்மான் உருவாக்கிய NAFS இசைக்குழுவின் ஒருவராகவும் இருந்தார் மோஹினி டே. அப்படிப்பட்ட பட்ட நல்ல நட்பை இணைத்து வதந்தி பரப்பி வருகிறார்கள் நெட்டிசன்கள்.