இயக்குனர் லோகேஷ் கனகராஜ் முதன் முறையாக எழுதி இயக்கிய திரைப்படம் மாநகரம்.
எஸ் ஆர் பிரபு தயாரிப்பில் உருவாக்கப்பட்ட இந்தப் திரைப்படத்தில் படத்தில் சந்திப் கிஷன், ஸ்ரீ, ரெஜினா கசாண்ட்ரா, முனிஷ்காந்த் உள்ளிட்டோர் முக்கிய கதாபாத்திரத்தில் நடித்திருந்தனர். இந்த படம் கடந்த 2017 ஆம் ஆண்டு தமிழில் வெளியாகி நல்ல வரவேற்பைப் பெற்றது.
தற்போது மாநகரம் திரைப்படம் ‘ மும்பைக்கர்’ என்ற தலைப்பில் இந்தியில் ரீமேக் செய்யப்பட்டுள்ளது.
பிரபல ஒளிப்பதிவாளர் சந்தோஷ் சிவன் இந்தப் படத்தை இயக்கியுள்ளார்.
இந்த படத்தில் விக்ராந்த் மாஸ்ஸி, மணிக்தலா, ரன்வீர் சோரே, சஞ்சய் மிஸ்ரா, சச்சின் ஹெடேகர், உள்ளிட்டோர் முக்கிய கதாபாத்திரத்தில் நடித்துள்ளனர். மேலும் இவர்களுடன் மக்கள் செல்வன் விஜய் சேதுபதி, தமிழில் வெளியான மாநகரம் திரைப்படத்தில் நடித்திருந்த முனிஸ்காந்த் கதாபாத்திரத்தில் நடித்துள்ளார்.
ஜோதி தினேஷ் பாண்டே மற்றும் ரியா ஷிபு இருவரும் இணைந்து இந்தப் படத்தை தயாரித்துள்ளனர். சலீல் அம்ருதே மற்றும் ராம் சுரேந்தர் இணைந்து இந்தப் படத்திற்கு இசை அமைத்துள்ளனர்.
சமீபத்தில் ‘மும்பைக்கர்’ திரைப்படத்தின் டீசர் வெளியாகி ரசிகர்களுக்கு இந்த படத்தின் மீதான எதிர்பார்ப்பை அதிகப்படுத்தியுள்ளது. மேலும் மும்பைக்கர் திரைப்படம் வரும் ஜூன் 2ம் தேதி நேரடியாக ஜியோ சினிமா ஓடிடி தளத்தில் வெளியாகும் என படக்குழுவினர் அறிவித்துள்ளனர்.