நீயே ஒளி நீதான் வழி…. சந்தோஷ் நாராயணன் பிறந்தநாள்…
கோலிவுட்டில் முன்னணி இசை அமைப்பாளராக வலம் வருபவர் சந்தோஷ் நாராயணன். பா ரஞ்சித் இயக்கத்தில் உருவான அட்டக்கத்தி திரைப்படத்தின் மூலம் சினிமாவுக்கு இசை அமைப்பாளராக அறிமுகமானர் சந்தோஷ் நாராயணன். இதைத் தொடர்ந்து தமிழில் அடுத்தடுத்து அவருக்கு பட வாய்ப்புகள் குவியத் தொடங்கின. தொடர்ந்து அவர் அடுத்தடுத்து பல படங்களுக்கு இசை அமைக்கத் தொடங்கினார்.
விஜய் சேதுபதியின் சூது கவ்வும், விமல் நடித்த பில்லா ரங்கா, ஜிகர்தண்டா, மெட்ராஸ், 36 வயதினிலே, காதலும் கடந்து போகும், பைரவா, மேயாத மான், காலா, ஜிப்சி, பென்குயின், பாரிஸ் ஜெயராஜ், கர்ணன் என பல படங்களுக்கு அவர் இசை அமைத்திருக்கிறார். தமிழில் ரசிகர்களை கவர்ந்த சந்தோஷ் நாராயணன் அடுத்து தெலுங்கு, ஹிந்தி என அடுத்தடுத்து பல மொழிப் படங்களுக்கு அவர் இசை அமைத்திருக்கிறார். தற்போது வரை 50-க்கும் மேற்பட்ட படங்களுக்கு அவர் இசை அமைத்துள்ளார்.
தற்போது பிரபாஸ் மற்றும் கமல்ஹாசன் நடிப்பில் பிரம்மாண்டமாக உருவாகும் கல்கி படத்திற்கு இசை அமைத்து வருகிறார். இந்நிலையில், இன்று பிறந்தநாள் கொண்டாடும் சந்தோஷ் நாராயணனுக்கு திரைப்பிரபலங்களும், ரசிகர்களும் வாழ்த்து தெரிவித்து வருகின்றனர். கல்கி படக்குழுவும் அவருக்கு வாழ்த்து தெரிவித்துள்ளது.
