இயக்குனர் மிஸ்கின் ஹீரோவாக நடிக்கப் போகிறார் என்று புதிய தகவல் வெளிவந்துள்ளது.
மிஸ்கின் தமிழ் சினிமாவில் முன்னணி இயக்குனர்களை ஒருவராக வலம் வருகிறார். இவர் சித்திரம் பேசுதடி, அஞ்சாதே, யுத்தம் செய், பிசாசு உள்ளிட்ட வெற்றி படங்களை இயக்கி ரசிகர்கள் மனதில் நீங்கா இடம் பிடித்தவர். அடுத்தது இவரது இயக்கத்தில் உருவாகி இருக்கும் பிசாசு 2, ட்ரெயின் போன்ற படங்கள் ரிலீஸுக்கு தயாராகி வருகிறது. இதற்கிடையில் இயக்குனர் மிஸ்கின், மாவீரன், லியோ போன்ற படங்களில் வில்லனாகவும் நடித்து பெயர் பெற்றுள்ளார். அதேசமயம் இசையமைப்பாளராகவும் பணியாற்றி வருகிறார். இந்நிலையில் இயக்குனர் மிஸ்கின் அடுத்தது ஹீரோவாக நடிக்க உள்ளார் என்று புதிய அப்டேட் வெளிவந்துள்ளது. 
அதன்படி மிஸ்கின் ஹீரோவாக நடிக்க உள்ள படத்தினை சமுத்திரகனியின் ரைட்டர் திரைப்படத்தில் உதவி இயக்குனராக பணிபுரிந்த கோகுல் என்பவர் இயக்கப் போவதாகவும் இந்த படத்தை ரோமியோ பிக்சர்ஸ் நிறுவனத்தின் சார்பில் ராகுல் தயாரிக்கப் போவதாகவும் தற்போதைய தகவல்கள் தெரிவிக்கின்றனர். அதுமட்டுமில்லாமல் இந்த படத்திற்கு ஓல்ட் இஸ் கோல்ட் என்று தலைப்பு வைக்கப்பட்டுள்ளதாக தெரியவந்துள்ளது. இருப்பினும் மிஸ்கின் ஹீரோவாக நடிக்க உள்ள புதிய படம் தொடர்பான அதிகாரப்பூர்வ அறிவிப்பு இனிவரும் நாட்களில் வெளியாகும் என்று எதிர்பார்க்கப்படுகிறது.