காதலியை அடித்த இளைஞர்; தட்டிக்கேட்ட நடிகர்
விஜய் இயக்கத்தில் வெளியான ‘தியா’ படத்தில் சாய் பல்லவிக்கு ஜோடியாக நடித்திருந்தவர் தெலுங்கு பிரபலம் நாக சவுர்யா. இவர் ஹைதராபாத்தின் நெரிசல் மிகுந்த சாலை ஒன்றில் சென்று கொண்டிருந்தபோது, இளைஞர் ஒருவர் நடுரோட்டில் வைத்து, தனது காதலியை தாக்கியதை கண்டுள்ளார். உடனடியாக காரில் இருந்து இறங்கிய நாக சவுர்யா இளைஞரை தடுத்துள்ளார். மேலும் அந்த பெண்ணிடம் மன்னிப்பு கேட்குமாறு இளைஞரிடம் வலியுறுத்தி உள்ளார்.
ஆனால் அந்த இளைஞர் ஆத்திரப்பட்டு, அவள் தனது காதலி என்றும், தன்னால் மன்னிப்பு கேட்க முடியாது என்றும் மறுத்தார். அதற்கு, காதலியாக இருந்தாலும் பெண்ணை அடிப்பது தவறு என்றார் நாக சவுர்யா. மேலும் அந்த இளைஞரின் கையை பிடித்து தடுத்து நிறுத்தி மன்னிப்பு கேட்குமாறு தொடர்ந்து வலியுறுத்தினார் நடிகர் நாக சவுர்யா. இதை பார்த்த அந்த பெண் தன் காதலரை அழைத்துக் கொண்டு அங்கிருந்து புறப்பட்டுவிட்டார். இந்த சம்பவத்தின்போது எடுக்கப்பட்ட வீடியோ சமூக வலைதளத்தில் வெளியாகி வைரலாகி வருகிறது.
#nagashaurya reel lone kadu real life lo kuda hero anipinchukunaru sir 🙏🙏🙏 pic.twitter.com/R3J8sObOq6
— ks Raju (@ksRaju58119364) February 28, 2023