நயன்தாரா ஆவணப்படத்தின் ட்ரைலர் வெளியாகியுள்ளது.
நடிகை நயன்தாரா தமிழ் சினிமாவில் லேடி சூப்பர் ஸ்டார் என்று ரசிகர்களால் கொண்டாடப்படுகிறார். 
ஆரம்பத்தில் ஐயா திரைப்படத்தின் மூலம் சினிமாவில் அறிமுகமாகி அதை தொடர்ந்து ரஜினி, விஜய், சூர்யா என பல முன்னணி நடிகர்களுடன் இணைந்து பணியாற்றி தற்போது கோலிவுட் மட்டுமல்லாமல் பாலிவுட் வரையிலும் நடித்து பெயர் பெற்றுள்ளார். இதற்கிடையில் இவர் இயக்குனர் விக்னேஷ் சிவனை காதலித்து திருமணம் செய்து கொண்டார். இவர்களது திருமணம் கடந்த 2022 ஆம் ஆண்டு ஜூன் மாதம் 9ஆம் தேதி மிகவும் பிரம்மாண்டமாக நடைபெற்றது. இவர்களது திருமணத்திற்கு ரஜினி, மணிரத்னம், ஷாருக்கான் போன்றோர் இவர்களது திருமணத்திற்கு வருகை தந்து மணமக்களை வாழ்த்தினர். மேலும் இவர்களின் திருமணம் பெரிய அளவில் பேசப்பட்டது. இந்த சமயத்தில்தான் இவர்களின் திருமண வீடியோவை நெட்பிளிக்ஸ் கோடிக்கணக்கில் விலை கொடுத்து வாங்கியிருந்தது. அதன்படி நயன்தாரா – விக்னேஷ் சிவனின் திருமண வீடியோ ஒரு ஆவண படமாக நெட்பிளிக்ஸ் தளத்தில் வெளியாகும் என எதிர்பார்க்கப்பட்ட நிலையில் சமீபத்தில் தான் வருகின்ற நவம்பர் 18ஆம் தேதி வெளியாகும் என நெட்பிளிக்ஸ் நிறுவனம் அறிவித்திருந்தது.
Vettri, tholvi, kaadhal, kalyanam-nu evlovo paatha namma Nayanthara-oda kadhai, ipo namma paakalama? ❤️👀
Watch Nayanthara: Beyond the Fairytale on 18 November, only on Netflix! pic.twitter.com/5bxIGI05Tu— Netflix India South (@Netflix_INSouth) November 9, 2024
எனவே ரசிகர்கள் பலரும் மிகுந்த எதிர்பார்ப்புகளுடன் எதிர்பார்த்துக் காத்துக் கொண்டிருக்கும் நயன்தாரா ஆவணப்படத்தின் ட்ரெய்லர் தற்போது வெளியாகி இருக்கிறது. இந்த ட்ரெய்லரில், இயக்குனர் அட்லீ, நாகார்ஜுனா, உபேந்திரா போன்றோர் நயன்தாரா குறித்து பேசுகின்றனர். அடுத்தது நயன்தாராவின் அம்மாவும் விக்னேஷ் சிவனும் பேசுகின்றனர். இந்த ட்ரெய்லர் இணையத்தில் வைரலாகி வருகிறது.