தனுஷ் இயக்கத்தில் உருவாகி இருக்கும் நிலவுக்கு என் மேல் என்னடி கோபம் படத்தின் புதிய போஸ்டர் வெளியாகி உள்ளது.
நடிகர் தனுஷ் கடந்த 2017 இல் வெளியான பவர் பாண்டி திரைப்படத்திற்கு பிறகு ராயன் எனும் திரைப்படத்தை இயக்கியிருந்தார். இந்த படம் கடந்த ஜூலை 26 ஆம் தேதி வெளியாகி வெற்றி நடை போட்ட நிலையில் ஓடிடியிலும் வெளியாகி ரசிகர்கள் மத்தியில் நல்ல வரவேற்பு பெற்று வருகிறது. அதே சமயம் தனுஷ் இயக்கத்தில் மூன்றாவது திரைப்படமாக உருவாகி இருக்கும் திரைப்படம் தான் நிலவுக்கு என் மேல் என்னடி கோபம். இந்த படத்தில் பவிஷ் மற்றும் அனிகா சுரேந்திரன் முன்னணி கதாபாத்திரங்களில் நடிக்க இவர்களுடன் இணைந்து மேத்யூ தாமஸ், பிரியா வாரியர், ரம்யா உள்ளிட்ட பலர் நடித்திருக்கின்றனர். உண்டர்பார் ப்ரொடக்ஷன் நிறுவனத்தின் சார்பில் கஸ்தூரிராஜா மற்றும் விஜயலட்சுமி கஸ்தூரிராஜா ஆகியோர் இணைந்து படத்தை தயாரித்துள்ளனர். 
ஜிவி பிரகாஷ் இந்த படத்தில் இசையமைத்திருக்கிறார். லியோன் பிரிட்டோ இதன் ஒளிப்பதிவு பணிகளை கவனித்துள்ளார். ஏற்கனவே இந்த படத்தின் பர்ஸ்ட் லுக் போஸ்டர் வெளியாகி நல்ல வரவேற்பை பெற்றது. அதன் பின்னர் படத்தில் இசையமைப்பாளர் ஜிவி பிரகாஷ் இதன் முதல் பாடல் விரைவில் வெளியாகும் என அப்டேட் கொடுத்திருந்தார். இது தொடர்பாக படக்குழுவினரும் புதிய போஸ்டர் ஒன்றை வெளியிட்டு எனும் முதல் பாடல் விரைவில் வெளியாக இருப்பதாக புதிய போஸ்டர் ஒன்றை வெளியிட்டு அறிவித்துள்ளனர்.