டான்சிங் ரோஸ் நடிப்பில் உருவாகி இருக்கும் பர்த் மார்க் திரைப்படத்திலிருந்து இரண்டாவது பாடல் வெளியாகி இருக்கிறது.
பா ரஞ்சித் இயக்கத்தில் வெளியான சார்பட்டா பரம்பரை படத்தின் மூலம் ரசிகர்கள் மத்தியில் கவனம் பெற்றவர் ஷபீர். இப்படத்தில் டான்சிங் ரோஸ் என்ற கதாபாத்திரத்தின் மூலம் பிரபலம் அடைந்தார். இப்படத்தை தொடர்ந்து த்ரிஷா நடித்த ரோடு படத்தில் முக்கிய கதாபாத்திரத்தில் நடித்திருந்தார். இப்படமும் அவருக்கு நல்ல பெயரை பெற்றுக் கொடுத்தது. இதைத் தொடர்ந்து, ஷபீர் நடிப்பில் உருவாகும் புதிய படம் பர்த் மார்க். இயக்குநர் விக்ரம் ஸ்ரீரன் இப்படத்தை இயக்கி எழுதியிருந்தார். இவருக்கு ஜோடியாக படத்தில் மிர்னா நடிக்கிறார். இவர் ஜெயிலர் படத்தில் வசந்த் ரவிக்கு மனைவியாக நடித்திருந்தார்.
