பத்து தல படத்தின் டீசர் வெளியானது
சிம்பு நடிப்பில் உருவாகியிருக்கும் பத்து தல படத்தின் டீசரை படக்குழு வெளிட்டுள்ளது.
சில்லுனு ஒரு காதல், நெடுஞ்சாலை ஆகிய படங்களை இயக்கிய ஒபலி என்.கிருஷ்ணா இயக்கும் புதிய படம் பத்து தல. ஸ்டுடியோ கிரீன் நிறுவனம் தயாரிக்கும் இப்படத்தில் சிம்பு நாயகனாகவும், கௌதம் கார்த்திக், பிரியா பவானிசங்கர் ஆகியோர் முக்கிய கதாபாத்திரங்களிலும் நடித்துள்ளனர். பத்து தல படத்திற்கு இசைப்புயல் ஏ.ஆர்.ரஹ்மான் இசை அமைத்துள்ளார்.
மார்ச் 30-ம் தேதி பத்து தல வெளியீடு
கன்னடத்தில் சிவ ராஜ்குமார் நடிப்பில் வெளியான முஃப்தி திரைப்படத்தின் தமிழ் ரீமேக்காக உருவாகும் இப்படத்தில், கேங்ஸ்டராக சிம்பு நடித்துள்ளார். இப்படத்தின் பாடல் வெளியாகி ரசிகர்களிடையே வரவேற்பை பெற்றது. இந்நிலையில், இப்படத்தின் டீசரை தற்போது படக்குழு வெளியிட்டு உள்ளது. இதனால், ரசிகர்களிடையே பெரும் எதிர்பார்ப்பு நிலவி வருகிறது. பத்து தல திரைப்படம் மார்ச் 30-ம் தேதி திரையரங்குகளில் ரிலீஸ் ஆகிறது.