சூர்யா படத்தில் சம்பளத்தை உயர்த்திய பிரபல நடிகை
கோலிவுட் மட்டுமன்றி பாலிவுட், டோலிவுட் என தமிழ், தெலுங்கு, இந்தி உள்பட அனைத்து மொழிகளிலும் கலக்கி வருபவர் பூஜா ஹெக்டே . தமிழில் மிஷ்கின் இயக்கிய முகமூடி படத்தில் ஜீவாவுக்கு ஜோடியாக நடித்து தமிழ் திரையுலகில் அறிமுகமான பூஜாவுக்கு தெலுங்கில் அடுத்தடுத்து பட வாய்ப்புகள் குவியத் தொடங்கின. இவர் சமீபத்தில் நடித்த ராதே ஷ்யாம், ஆச்சார்யா, கிசி கா பாய் கிசி கி ஜான், உள்ளிட்ட படங்கள் பெரிய அளவில் வெற்றி பெறவில்லை.
தொடர்ந்து, பூஜா ஹெக்டே, தெலுங்கில் மகேஷ்பாபு நடிக்கும் குண்டூர் காரம் திரைப்படத்தில் நடிப்பதற்கு ஒப்பந்தமாகி இருந்தார். ஆனால், ஒரு சில காரணங்களால் அவர் படத்திலிருந்து விலகினார். தமிழில் அவர் கடைசியாக நடித்த திரைப்படம் பீஸ்ட். நெல்சன் இயக்கத்தில் விஜய் நடித்த பீஸ்ட் படத்தில் பூஜா ஹெக்டே நாயகியாக நடித்திருந்தார். அதன் பின் பூஜா இந்தியில் ‘Kisi Ka Bhai Kisi Ki Jaan’ என்ற படத்தில் நடித்தார். தமிழில் அஜித் நடித்த ‘வீரம்’ படத்தின் இந்தி ரீமேக் தான் அது.
இந்நிலையில், சூர்யா நடிக்கும் 44-வது திரைப்படத்தில் நாயகியாக நடிக்க பூஜா ஹெக்டே ஒப்பந்தமாகி இருக்கிறார். கார்த்திக் சுப்பராஜ் இப்படத்தை இயக்குகிறார். இத்திரைப்படத்தில் ஒப்பந்தமான நடிகை பூஜா, இதுவரை இல்லாத வகையில் தனது ஊதியத்தை உயர்த்தி இருக்கிறாராம். இதுவரை 2 கோடி , 3 கோடி சம்பளம் வாங்கி வந்த பூஜா, இப்படத்திற்கு 4 கோடி ரூபாய் ஊதியம் பெற்றுள்ளதாக கூறப்படுகிறது. இத்திரைப்படத்தின் படப்பிடிப்பு அந்தமானில் நடைபெற்று வருகிறது.
