பிரபுதேவா நடிக்கும் பேட்ட ராப் படத்தின் ஃபர்ஸ்ட் லுக் குறித்த அறிவிப்பு வெளியாகி உள்ளது.
பிரபுதேவா நடிப்பில் கடைசியாக பஹீரா திரைப்படம் வெளியானது. ஆதிக் ரவிச்சந்திரன் இயக்கியிருந்த இந்த படம் ரசிகர்கள் மத்தியில் எதிர்பார்த்த அளவில் வெற்றி பெறவில்லை. அதை தொடர்ந்து பிரபுதேவா வுல்ஃப் படத்தில் நடித்துள்ளார். மேலும் நடிகர் பிரபுதேவா ஜாலியோ ஜிம்கானா எனும் திரைப்படத்திலும், விஜயின் The Greatest Of All Time படத்திலும் நடித்து வருகிறார் என்பது குறிப்பிடத்தக்கது.
அடுத்ததாக பிரபுதேவா நடிப்பில் பேட்ட ராப் திரைப்படம் உருவாகி வருகிறது. எஸ் ஜே சினு இயக்கும் இந்த படத்தை ப்ளூ ஹில் ஃபிலிம்ஸ் நிறுவனம் தயாரிக்கிறது. படத்திற்கு டி இமான் இசையமைக்கிறார். இந்த படத்தில் பிரபுதேவாவிற்கு ஜோடியாக வேதிகா நடிக்கிறார். மேலும் இந்த படத்தில் விவேக் பிரசன்னா, ரமேஷ் திலக், மைம் கோபி உள்ளிட்ட பலரும் நடிக்கின்றனர். சில மாதங்களுக்கு முன்பாக இந்த படத்தின் படப்பிடிப்புகள் பூஜையுடன் தொடங்கப்பட்டு தற்போது விறுவிறுப்பாக நடைபெற்று வருகிறது. 
அதே சமயம் இப்படம் காமெடி கலந்த கதை களத்தில் உருவாகி வருகிறது. இந்நிலையில் இந்த படத்தின் ஃபர்ஸ்ட் லுக் போஸ்டர் (பிப்ரவரி 14) நாளை
வெளியாகும் என்று படக்குழுவினர் போஸ்டர் ஒன்றை வெளியிட்டு அதிகாரப்பூர்வமாக அறிவித்துள்ளனர்.