கடைசியாக பிரபுதேவா ஆதிக் ரவிச்சந்திரன் இயக்கி இருந்த பஹுரா படத்தில் நடித்திருந்தார். இப்படம் பிரபுதேவாவிற்கு தோல்வி படமாக அமைந்தது. அதைத் தொடர்ந்து வுல்ஃப் படத்திலும் ஜாலியோ ஜிம்கானா எனும் படத்திலும் நடித்து வருகிறார். மேலும் விஜய், வெங்கட் பிரபு கூட்டணியில் உருவாகி வரும் The Greatest Of All Time என்ற படத்தில் முக்கிய கதாபாத்திரத்தில் நடித்து வருகிறார் பிரபுதேவா.
இதற்கிடையில் பிரபுதேவா நடிப்பில் பேட்ட ராப் என்னும் திரைப்படம் உருவாகி வருகிறது. இந்த படத்தில் பிரபுதேவாவிற்கு ஜோடியாக வேதிகா நடிக்கிறார். மேலும் இவர்களுடன் இணைந்து விவேக் பிரசன்னா, ரமேஷ் திலக், மைம் கோபி உள்ளிட்டரும் நடிக்கின்றனர். இதனை எஸ் ஜே சினு இயக்குகிறார். ப்ளூ ஹில்
பிலிம்ஸ் நிறுவனம் இந்த படத்தை தயாரிக்க டி இமான் இசையமைப்பாளராக பணியாற்றுகிறார். சில மாதங்களுக்கு முன்பாக இந்த படத்தின் படப்பிடிப்புகள் பூஜையுடன் தொடங்கப்பட்டது. தற்போது இந்த படம் ரிலீசுக்கு தயாராகி வருகிறது. இந்நிலையில் இந்த படத்தின் ஃபர்ஸ்ட் லுக் போஸ்டரை பட குழுவினர் வெளியிட்டுள்ளனர். இந்த போஸ்டர் பிரபுதேவா மற்றும் வேதிகா ஆகிய இருவரும் நடனம் ஆடுவது போன்று அமைக்கப்பட்டுள்ளது. பேட்ட ராப் திரைப்படமானது காமெடி கலந்த கதை களத்தில் உருவாகி வருகிறது என்பது குறிப்பிடத்தக்கது.