சிவகார்த்திகேயனின் புறநானூறு படத்தில் படப்பிடிப்பு டிசம்பர் மாதத்தில் தொடங்கும் என தகவல் வெளியாகியிருக்கிறது.
நடிகர் சிவகார்த்திகேயன் தற்போது தமிழ் சினிமாவில் தவிர்க்க முடியாத நடிகராக உருவெடுத்துள்ளார். அந்த வகையில் இவரது நடிப்பில் தற்போது அமரன் எனும் திரைப்படம் உருவாகி இருக்கும் நிலையில் மிகுந்த எதிர்பார்ப்புகளுடன் இந்த படம் வருகின்ற அக்டோபர் 31ஆம் நாளில் திரைக்கு வர தயாராகி வருகிறது. அதே சமயம் இவர் ஏ ஆர் முருகதாஸ் இயக்கத்தில் தனது 23வது திரைப்படத்தில் நடித்து வருகிறார். மேலும் சிபி சக்கரவர்த்தி, வெங்கட் பிரபு ஆகியோரின் இயக்கத்தில் தனது அடுத்தடுத்த படங்களில் நடிப்பதற்கு கமிட்டாகி இருக்கிறார். இதற்கிடையில் இவர் சுதா கொங்கரா இயக்கத்தில் புறநானூறு எனும் திரைப்படத்தில் நடிப்பதற்கு ஒப்பந்தமாகியுள்ளார். அதாவது புறநானூறு திரைப்படமானது நடிகர் சூர்யா நடிக்க இருந்த திரைப்படம் ஆகும். இந்த படம் இந்தி திணிப்பு தொடர்பான கதைக்களத்தில் உருவாக இருப்பதால் ஒரு சில அரசியல் காரணங்களால் நடிகர் சூர்யா இந்த படத்தில் இருந்து விலகிவிட்டார். 
எனவே அவருக்கு பதிலாக சிவகார்த்திகேயனை நடிக்க வைக்க சுதா கொங்கரா திட்டமிட்டு அதற்கான பணிகளையும் செய்து வருகிறார். மேலும் இந்த படத்தில் சிவகார்த்திகேயன் நடிக்க இருப்பதால் படத்தின் தலைப்பு மாற்றப்பட வாய்ப்புள்ளதாக சொல்லப்படுகிறது. இந்த படத்தின் படப்பிடிப்பு வருகின்ற டிசம்பர் மாதத்தில் தொடங்க இருப்பதாக சொல்லப்படுகிறது. விரைவில் இது தொடர்பான அதிகாரப்பூர்வ அறிவிப்பு வெளியாகும் என்று நம்பப்படுகிறது. அடுத்தது அரசியல் காரணத்திற்காக, இந்த படத்தினை 2026 ஆம் ஆண்டில் நடைபெறும் தேர்தலுக்கு முன்பாகவே ரிலீஸ் செய்ய வேண்டும் என படக்குழு முடிவு செய்துள்ளதாக புதிய தகவல்கள் சமூக வலைதளங்களில் உலா வருகின்றன.
தற்போது இதன் கூடுதல் தகவல் என்னவென்றால் நடிகர் சிவகார்த்திகேயன், சிபி சக்கரவர்த்தி இயக்க உள்ள படத்திலும் சுதா கொங்கரா இயக்க உள்ள படத்திலும் ஒரே நேரத்தில் நடிக்க திட்டமிட்டுள்ளதாகவும் தற்போதைய தகவல்கள் தெரிவிக்கின்றன.