நடிகர் ராகவா லாரன்ஸ் நடிப்பில் கடந்த ஆண்டு ஜிகர்தண்டா டபுள் எக்ஸ் திரைப்படம் வெளியானது. இந்த படம் ரசிகர்கள் மத்தியில் ஏகோபித்த வரவேற்பை பெற்று வசூல் ரீதியாகவும் வெற்றி பெற்றது. 
அதைத் தொடர்ந்து ராகவா லாரன்ஸ் பல படங்களில் நடிப்பதற்கு கமிட் ஆகி வருகிறார். அந்த வகையில் வெங்கட் மோகன் இயக்கத்தில் ஹண்டர் எனும் திரைப்படத்திலும் பாக்யராஜ் கண்ணன் இயக்கத்தில் பென்ஸ் எனும் திரைப்படத்தில் நடிக்க உள்ளார். இது தொடர்பான அறிவிப்பு ஏற்கனவே வெளியாகி ரசிகர்களின் எதிர்பார்ப்பை அதிகப்படுத்தியுள்ளது. இதற்கிடையில் கடந்த 2021 ஆம் ஆண்டிலேயே ராகவா லாரன்ஸ் இயக்குனர் வெற்றிமாறனுடன் கூட்டணி அமைக்க போவதாக அறிவிப்பு வெளியானது. அதன்படி வெற்றிமாறன் எழுதியுள்ள கதையில் ராகவா லாரன்ஸ் நடிக்க உள்ளதாகவும் அந்தப் படத்திற்கு அதிகாரம் என்று தலைப்பிடப்பட்டுள்ளதாகவும் படக்குழுவினர் அறிவித்திருந்தனர். 
அதேசமயம் இந்த படத்தை இயக்குனர் துரை செந்தில்குமார் இயக்க உள்ளதாகவும் கூறப்பட்டது. ஆனால் தற்போது இயக்குனர் மாற்றப்படலாம் என்றும் தகவல் வெளியாகி வருகின்றன. மேலும் பென்ஸ், ஹண்டர் ஆகிய படங்களுக்குப் பிறகு அதிகாரம் படத்தின் படப்பிடிப்பு தொடங்கும் என்று நம்பத் தகுந்த வட்டாரங்கள் தெரிவிக்கின்றன. எனவே படத்தில் நடிக்கும் மற்ற நடிகர், நடிகைகள் சம்பந்தமான அறிவிப்பு விரைவில் வெளியாகும் என்று எதிர்பார்க்கப்படுகிறது.
- Advertisement -