சிவகார்த்திகேயன் நடிப்பில் உருவாகியிருந்த அமரன் திரைப்படம் கடந்த அக்டோபர் 31ம் தேதி தீபாவளி தினத்தன்று திரைக்கு கொண்டுவரப்பட்டது. தமிழ், தெலுங்கு, மலையாளம், ஹிந்தி, கன்னடம் உள்ளிட்ட மொழிகளில் உலகம் முழுவதும் வெளியான இந்த படம் ரசிகர்கள் மத்தியில் பாசிட்டிவான விமர்சனங்களை பெற்று வருகிறது.
The Voice of Honor 🔥#Superstar @rajinikanth Sir praised Team #Amaran #AmaranDiwali #MajorMukundVaradarajan #KamalHaasan #Rajinikanth #Sivakarthikeyan #SaiPallavi #RajkumarPeriasamy
A Film By @Rajkumar_KP @ikamalhaasan @Siva_Kartikeyan #Mahendran @Rajkumar_KP… pic.twitter.com/o6xQytOTke
— Raaj Kamal Films International (@RKFI) November 2, 2024
மறைந்த ராணுவ வீரர் முகுந்த் வரதராஜனின் வாழ்க்கை வரலாற்று படம் என்பதால் ஆரம்பத்தில் இருந்தே மிகுந்த எதிர்பார்ப்பு இருந்து வந்த நிலையில் இந்த படம் ரசிகர்களின் எதிர்பார்ப்பை பூர்த்தி செய்துள்ளது எனலாம். ஏனென்றால் முகுந்த் வரதராஜனாக நடித்த சிவகார்த்திகேயனும், இந்து ரெபேக்கா வர்கீஸ் ஆக நடித்த சாய் பல்லவியும் தங்களின் சிறப்பான நடிப்பை வெளிப்படுத்தி ரசிகர்களை வெகுவாக கவர்ந்துள்ளனர். சொல்லப்போனால் அந்தந்த கதாபாத்திரமாகவே வாழ்ந்திருக்கின்றனர். இவ்வாறு பலரின் பாராட்டுகளை பெற்று வரும் அமரன் திரைப்படம் முதல் நாளிலேயே உலகம் முழுவதும் 42 கோடிக்கும் அதிகமாக வசூல் செய்துள்ளது. இந்நிலையில் சூப்பர் ஸ்டார் ரஜினிகாந்த், சிவகார்த்திகேயன், ராஜ்குமார் பெரியசாமி உள்ளிட்ட அமரன் படக்குழுவினரை நேரில் சந்தித்து பாராட்டியுள்ளார்.
#Superstar @rajinikanth தனது நண்பர் கமல்ஹாசன் தயாரிப்பில் சிவகார்த்திகேயன் நடிப்பில் ராஜ்குமார் பெரியசாமி இயக்கத்தில் வெளியான ‘அமரன்’ படத்தைப் பார்த்து மகிழ்ந்தார்.
நேற்று தனது நண்பர் கமல்ஹாசன் அவர்களை தொலைபேசியில் அழைத்த சூப்பர் ஸ்டார் இந்தப் படத்தைத் தயாரித்ததற்காக மனமார்ந்த… pic.twitter.com/bPurzyxDxj
— Raaj Kamal Films International (@RKFI) November 2, 2024
அதன்படி,” அமரன் திரைப்படத்தை பார்த்தேன். அனைவரும் நன்றாக நடித்திருக்கிறார்கள். நான் எதிர்பார்த்ததை விட மிகவும் அருமையாக படத்தை இயக்கி இருக்கிறார் ராஜ்குமார் பெரியசாமி. சிவகார்த்திகேயன் முகுந்த் வரதராஜனாகவே வாழ்ந்திருக்கிறார். படத்தின் இறுதியில் என்னால் அழுகையை கட்டுப்படுத்த முடியவில்லை. ஒளிப்பதிவு, இசை அனைத்துமே நன்றாக இருக்கிறது” என்று பாராட்டியுள்ளார். இது தொடர்பான புகைப்படங்களையும் வீடியோவையும் படத்தின் தயாரிப்பு நிறுவனமான ராஜ்கமல் பிலிம்ஸ் இன்டர்நேஷனல் நிறுவனம் தனது சமூக வலைதள பக்கத்தில் பகிர்ந்துள்ளது.