கடந்த செப்டம்பர் 5ஆம் தேதி உலகம் முழுவதும் வெளியான படம் கோட் ( தி கிரேட்டஸ்ட் ஆஃப் ஆல் டைம்). இந்த படத்தினை இயக்குனர் வெங்கட் பிரபு இயக்க நடிகர் விஜய் ஹீரோவாக நடித்திருந்தார். 
ஏஜிஎஸ் நிறுவனம் இந்த படத்தை தயாரித்திருந்த நிலையில் யுவன் சங்கர் ராஜா இதற்கு இசையமைத்திருந்தார். படத்தில் விஜய், அப்பா – மகன் என இரட்டை வேடங்களில் நடித்திருந்தார். அதாவது அழகிய தமிழ் மகன் திரைப்படத்திற்கு பிறகு ஹீரோவாகவும் வில்லனாகவும் மிரட்டி இருந்தார் விஜய். மிகுந்த எதிர்பார்ப்புகளுடன் வெளியான இந்த படம் ரசிகர்கள் மத்தியில் பாசிட்டிவான விமர்சனங்களை பெற்று கிட்டத்தட்ட 430 கோடிக்கும் அதிகமாக வசூல் செய்துள்ளது. இந்த படத்தில் கேப்டன் விஜயகாந்த் ஏஐ தொழில்நுட்பத்தின் மூலம் காண்பிக்கப்பட்டிருந்தார். மேலும் நடிகை திரிஷா, சிவகார்த்திகேயன் ஆகியோர் சிறப்பு தோற்றத்தில் நடித்திருந்தனர். அடுத்தது தோனி, சூர்யா, கமல், அஜித் போன்றோரின் குறியீடுகளும் இடம்பெற்றிருந்தது. எனவே இந்த படம் அனைத்து ரசிகர்களையும் வெகுவாக கவர்ந்துள்ளது.
Thank you, Thalaivaaaa!! for the call and for embracing our #GOAT with so much love. Thanks again for appreciating wholeheartedly. Forever grateful, sending you all the love. ♥️♥️♥️♥️ @rajinikanth 🙏🏽🙏🏽
— venkat prabhu (@vp_offl) October 19, 2024
இந்நிலையில் சூப்பர் ஸ்டார் ரஜினிகாந்த், வெங்கட் பிரபுவை தொடர்பு கொண்டு பாராட்டியுள்ளார். அதற்கு நன்றி தெரிவிக்கும் வகையில் இயக்குனர் வெங்கட் பிரபு தனது சமூக வலைதள பக்கத்தில் பதிவு ஒன்றினை வெளியிட்டுள்ளார். அந்த பதிவில், “அழைத்ததற்காகவும், கோட் படத்தை ஆதரித்ததற்காகவும் நன்றி தலைவா. முழு மனதுடன் பாராட்டியதற்கு எனது மனமார்ந்த நன்றி” என்று குறிப்பிட்டுள்ளார்.