கார்த்திக் வர்மா தண்டு இயக்கத்தில் சாய் தரம் தேஜ் மற்றும் சம்யுக்தா மேனன் ஆகியோர் நடிப்பில் வெளியாகியுள்ள ஹாரர் த்ரில்லர் விருபாக்ஷா திரைப்படம் சூப்பர் ஹிட் வெற்றி பெற்றுள்ளது.
படத்திற்கு ஏற்கனவே உலகளவில் ரூ.50 கோடி வசூல் கிடைத்துள்ளது. தெலுங்கில் சூப்பர் ஹிட் ஆனதை அடுத்து மற்ற மொழிகளிலும் படத்தை டப்பிங் செய்து வெளியிடுகின்றனர். தமிழில் ஸ்டூடியோ கிரீன் நிறுவனம் இந்தப் படத்தை வெளியிடுகிறது.
இந்தப் படத்தின் பத்திரிகையாளர்கள் சந்திப்பில் படத்தின் நடிகர்கள் கலந்துகொண்டனர். அப்போது பேசிய படத்தின் நாயகன் சாய் தரம் தேஜ் கூறும்போது, “நான் சென்னையில் தான் படித்தேன். தெலுங்கில் பல படங்களில் நடித்திருந்தாலும் தமிழில் கதாநாயகனாக வெற்றி பெற நினைத்திருக்கிறேன். அந்தக் கனவு இந்தப் படம் மூலம் நிறைவேறி இருக்கிறது.
நான் இந்தப் படத்தில் நடிக்க ரஜினி சார்தான் இன்ஸ்பிரேஷன். அவர் நடித்த ‘சந்திரமுகி’ படத்தில் நடிகைக்கு தான் முக்கியத்துவம் அளிக்கப்பட்டிருக்கும். அதே போல் இந்தப் படத்திலும் கதாநாயகிக்குத் தான் முக்கியத்துவம் அளிக்கப்பட்டிருக்கிறது. அப்படிஇருந்தாலும் இந்தப் படத்தில் நடிக்க ஒப்புக்கொண்டதற்கு காரணம் வித்தியாசமான கதையும், சுகுமாரின் விறு
விறுப்பான திரைக்கதையும் தான்” என்று பேசினார்.