நடிகர் அஜித்துக்கு பத்ம பூஷன் விருது…. வாழ்த்து தெரிவித்த ரஜினி!

நடிகர் அஜித்துக்கு பத்ம பூஷன் விருது அறிவிக்கப்பட்டதற்காக சூப்பர் ஸ்டார் ரஜினிகாந்த் வாழ்த்தியுள்ளார்.

நடிகர் அஜித் தமிழ் சினிமாவில் ஏகப்பட்ட வெற்றி படங்களை கொடுத்து ரசிகர்கள் மனதில் நீங்கா இடம் பிடித்துள்ளார். இவரது நடிப்பில் தற்போது விடாமுயற்சி, குட் பேட் அக்லி ஆகிய படங்கள் உருவாகி இருக்கும் நிலையில் இந்த இரண்டு படங்களும் அடுத்தடுத்து வெளியாக இருக்கின்றன. இதற்கிடையில் சிறு வயதில் இருந்தே கார், பைக் ஓட்டுவதில் ஆர்வமடைய அஜித் தற்போது அடுத்தடுத்த கார் பந்தயங்களுக்கு தயாராகி வருகிறார். இந்நிலையில் தான் கடந்த (ஜனவரி 26) குடியரசு தினத்தை முன்னிட்டு நடிகர் அஜித்துக்கு பத்ம பூஷன் விருது அறிவிக்கப்பட்டது. இந்த தகவல் அஜித் ரசிகர்களுக்கு இன்ப அதிர்ச்சியை தந்த நிலையில் பலரும் அஜித்துக்கு வாழ்த்து தெரிவித்து வருகின்றனர். அதே சமயம் நடிகர் அஜித்தும் அறிக்கை ஒன்றினை வெளியிட்டு அனைவருக்கும் நன்றி தெரிவித்தார்.

Superstar #Rajinikanth wishes #AjithKumar for PadmaBhusan❤️❤️ pic.twitter.com/2k70yJHz2a

— AmuthaBharathi (@CinemaWithAB) January 28, 2025

மேலும் விஷால், சசிகுமார் உள்ளிட்ட பிரபலங்களும் அஜித்துக்கு தங்களின் வாழ்த்துக்களை தெரிவித்து வருகின்றனர். இந்நிலையில் சூப்பர் ஸ்டார் ரஜினிகாந்த், நடிகர் அஜித்துக்கு பத்மபூஷன் விருது கிடைத்ததற்காக அவரை வாழ்த்தியுள்ளார். அதாவது சென்னை விமான நிலையத்தில் நடிகர் ரஜினியை சந்தித்த செய்தியாளர்கள் இது தொடர்பாக கேள்வி எழுப்பிய போது, அதற்கு நடிகர் ரஜினி வாழ்த்துக்கள் என்று தெரிவித்துள்ளார். இது தொடர்பான வீடியோ ரசிகர்களால் அதிகம் பகிரப்பட்டு வருகின்றன.