ராஜ்குமார் பெரியசாமி, கடந்த 2017 ஆம் ஆண்டு கெளதம் கார்த்திக் நடிப்பில் ரங்கூன் எனும் திரைப்படத்தை இயக்கியிருந்தார்.
இதை தொடர்ந்து சிவகார்த்திகேயன் நடிப்பில் அமரன் திரைப்படத்தை இயக்கினார். இந்த படம் கடந்த தீபாவளி தினத்தன்று உலகம் முழுவதும் வெளியான நிலையில் ரசிகர்கள் மத்தியில் வசூல் ரீதியாகவும் விமர்சன ரீதியாகவும் வெற்றி பெற்று வருகிறது. அடுத்தது ராஜ்குமார் பெரியசாமி என்ன படம் இயக்க போகிறார்? என்ற எதிர்பார்ப்பு ரசிகர்கள் மத்தியில் இருந்து வந்த நிலையில் நேற்று (நவம்பர் 8) ராஜ்குமார் பெரியசாமி இயக்கும் புதிய படத்தின் பூஜை நடைபெற்றுள்ளது. அதன்படி ராஜ்குமார் பெரியசாமி, தனுஷ் நடிப்பில் புதிய படம் ஒன்றை இயக்க இருக்கிறார். இந்த படம் தனுஷின் 55 ஆவது படமாக உருவாக இருக்கிறது.
#D55PoojaiVideo ungalukaaga, from our hearts to yours ♥️#D55ByGopuramFilms#GNAnbuchezhian @dhanushkraja @Rajkumar_KP @Sushmitaanbu #Vetrimaaran @thesreyas @kavya_sriram @DirectorS_Shiva @Gopuramfilms @Gopuram_Cinemas @TeamaimPR @thetabsofficial#Dhanush #RajkumarPeriasamy pic.twitter.com/9adNdadFs3
— Gopuram Films (@gopuramfilms) November 8, 2024
இதனை கோபுரம் ஃபிலிம்ஸ் நிறுவனம் தயாரிக்கிறது. நேற்றே இந்த படத்தின் பூஜை தொடர்பான புகைப்படங்கள் சமூக வலைதளங்களில் வெளியான நிலையில் அதைத்தொடர்ந்து பூஜை வீடியோவையும் படக்குழு வெளியிட்டுள்ளது. இந்த வீடியோ இணையத்தில் வைரலாகி வருகிறது.
மேலும் நடிகர் தனுஷ், குபேரா, இட்லி கடை போன்ற படங்களை கைவசம் வைத்துள்ளார் என்பது குறிப்பிடத்தக்கது.