மீண்டும் இணையும் டன்கி கூட்டணி… ஷாருக்கானுக்கு ஜோடியாகும் சமந்தா…
ஷாருக்கான் நடிக்கும் புதிய திரைப்படத்தில் அவருக்கு ஜோடியாக சமந்தா நடிக்க உள்ளதாக கூறப்படுகிறது. 
கடந்த ஆண்டு ஷாருக்கானுக்கு ஹாட்ரிக் ஆண்டு என்று சொல்லாம். ஆண்டின் தொடக்கத்தில் ஷாருக்கான் நடிப்பில் பதான் திரைப்படம் வெளியானது. சித்தார்த் ஆனந்த் இயக்கத்தில் இத்திரைப்படம் வௌியானது. சுமார் ஆயிரம் கோடிக்கு மேல் இத்திரைப்படம் வசூலித்து சாதனை படைத்தது. அதைத் தொடர்ந்து அட்லீ இயக்கத்தில் ஜவான் திரைப்படம் வெளியானது.
இரண்டு வெற்றிக்கு பிறகு மீண்டும் ஷாருக்கான் நடிப்பில் ஆண்டின் இறுதியில் வெளியான திரைப்படம் தான் டன்கி. ராஜ்குமார் ஹிரானி இப்படத்தை இயக்கி இருந்தார். இதில் டாப்ஸி, விக்கி கௌசல் உள்பட பலர் முக்கிய கதாபாத்திரங்களில் நடித்திருந்தனர். இத்திரைப்படம் கடந்த டிசம்பர் மாதம் 21-ம் தேதி திரையரங்குகளில் வெளியானது. இத்திரைப்படம் இந்தி மொழியில் மட்டும் வெளியானது. இத்திரைப்படம் 500 கோடி ரூபாய்க்கு மேல் வசூலை பெற்றதாக தயாரிப்பு நிறுவனம் அறிவித்தது.
இந்நிலையில், டன்கி பட கூட்டணி மீண்டும் இணைய உள்ளது. ராஜ்குமார் ஹிராணி இயக்கத்தில் மீண்டும் ஷாருக்கான் புதிய திரைப்படத்தில் நடிக்க கமிட்டாகி உள்ளதாக கூறப்படுகிறது. தேசப்பற்றை மையப்படுத்திய ஆக்ஷன் அதிரடி கதைக்களத்தில் இப்படம் உருவாக உள்ளதாம். படத்தில் ஷாருக்கானுக்கு ஜோடியாக பிரபல தென்னிந்திய நடிகை சமந்தா நடிப்பதாக கூறப்படுகிறது. விரைவில் இது தொடர்பான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.
