ரசிகர்களுக்கு அறிவுரை கூறும் ராஷ்மிகா மந்தனா

தென்னிந்திய திரை உலகில் பிரபலமான நடிகையாக இருந்து வருபவர் நடிகை ராஷ்மிகா மந்தனா. இவர் கிரிக் பார்ட்டி என்ற கன்னட படத்தின் மூலம் திரையுலகத்தில் அறிமுகமானார். இவர் தொடர்ந்து கன்னடம், தெலுங்கு, ஹிந்தி, தமிழ் என பல மொழி படங்களில் நடித்துக் கொண்டிருக்கிறார். இவர் கார்த்தி நடிப்பில் வெளியான சுல்தான் படத்தின் மூலம் தமிழ் திரை உலகிற்கு அறிமுகமாகி ரசிகர்களை தன் பக்கம் ஈர்த்தார்.

தமிழில் சுல்தான் திரைப்படத்தின் மூலம் அறிமுகமான ராஷ்மிகா, தொடர்ந்து விஜய்க்கு ஜோடியாக வாரிசு படத்தில் நடித்திருந்தார். தமிழ் தெலுங்கு மட்டுமன்றி தற்போது இந்தியிலும் அனிமல் உள்பட பல திரைப்படங்களில் நடித்து வருகிறார். இந்நிலையில், அடுத்ததாக சின்மயின் கணவரும், நடிகருமான ராகுல் ரவீந்திரன் இயக்கும் படத்திலும் அவர் ஒப்பந்தமாகியுள்ளார்.

இந்நிலையில் அவர் பயணம் மேற்கொள்ளுங்கள் என்று ரசிகர்களுக்கு அறிவுறுத்தி இருக்கிறார். வெளிநாட்டில் தான் இருக்கும் புகைப்படங்களை வெளியிட்டு, ‘ நான் பயணம் மேற்கொள்ள முடியாமல் இருக்கிறேன். நீங்கள் எப்போது வேண்டும் என்றாலும் பயணம் செல்லுங்கள். உங்கள் சொந்த ஊருக்கோ, நண்பர்கள் வீடுகளுக்கோ செல்லுங்கள். பயணம், உங்கள் அறிவையும் மனதையும் திறக்கும் என்று அவர் குறிப்பிட்டுள்ளார்.