ரெட்ரோ படத்தின் படப்பிடிப்பு காட்சிகள் காமிக் வடிவில் வெளியாகி இணையத்தில் வைரலாகி வருகிறது.
சூர்யாவின் 44ஆவது படமாக உருவாகி இருக்கும் திரைப்படம் தான் ரெட்ரோ. இந்த படத்தை பிரபல இயக்குனர் கார்த்திக் சுப்பராஜ் இயக்கி இருக்கிறார். 2D நிறுவனமும் ஸ்டோன் பெஞ்ச் நிறுவனமும் இணைந்து படத்தை தயாரித்துள்ளது. சந்தோஷ் நாராயணன் இதற்கு இசை அமைக்க ஸ்ரேயாஸ் கிருஷ்ணா இந்த படத்தின் ஒளிப்பதிவு பணிகளை கவனித்துள்ளார். காதல் கலந்த கேங்ஸ்டர் படமாக உருவாகி வரும் இந்த படத்தில் சூர்யாவிற்கு ஜோடியாக பூஜா ஹெக்டே நடித்துள்ளார். மேலும் இவர்களுடன் இணைந்து ஜெயராம், கருணாகரன், ஜோஜு ஜார்ஜ் ஆகியோர் முக்கிய கதாபாத்திரங்களில் நடித்திருக்கின்றனர். இந்த படத்தின் படப்பிடிப்புகள் ஏற்கனவே நிறைவடைந்த நிலையில் இப்படமானது 2025 மே மாதம் 1ஆம் தேதி திரைக்கு வர தயாராகி வருகிறது.
Santhosh Narayanan: The Speedster!
Busy with Kalki 2898 AD? No problem! SaNa still made time for Retro because, well, it’s Suriya + Karthik Subbaraj! He got the file at 3 PM, cooked up a killer retro theme in record time, and delivered it by 5 PM. Talk about a musical beast!… pic.twitter.com/CzbITIDC06— 2D Entertainment (@2D_ENTPVTLTD) February 10, 2025
இதற்கிடையில் இந்த படத்தின் டைட்டில் டீசர் வெளியாகி நல்ல வரவேற்பை பெற்றது. அதைத்தொடர்ந்து இந்த படத்தின் படப்பிடிப்பு காட்சிகளை படக்குழு காமிக் வடிவில் வெளியிட்டுள்ளது. இது ரசிகர்களை வெகுவாக கவர்ந்து வைரலாகி வருகிறது. மேலும் “ரெட்ரோ படத்தின் அறிவிப்பை வெளியிட படக்குழு திட்டமிட்ட போது சந்தோஷ் நாராயணன் கல்கி 2898AD படத்தில் பிசியாக இருந்தாலும் ரெட்ரோ படத்திற்காக நேரம் ஒதுக்கி அதற்கான தீம் மியூசிக்கை 3 மணியிலிருந்து 5 மணிக்குள் தயார் செய்து கொடுத்தார்.
🎬 Kicking Off “#Retro” in Style with the #RetroBTSComic!
Forget the usual pooja ceremony or predictable promo videos—Karthik Subbaraj wanted something totally unique. So, the team went all out and shot a single, high-impact scene to announce Retro. No fluff, just pure cinematic… pic.twitter.com/v4capJUfQf
— 2D Entertainment (@2D_ENTPVTLTD) February 10, 2025
அதே சமயம் அந்தமானில் இதை படமாக்கும் போது வானிலை சரியாக ஒத்துழைக்கவில்லை. ஆனால் படக்குழு பின்வாங்கவில்லை. சூர்யாவும் தீயான லுக்கை காட்டி ஒரே சாட்டில் முடித்துக் கொடுத்தார்” என்று இப்படத்தின் தயாரிப்பு நிறுவனம் தனது சமூக வலைதள பக்கத்தில் பகிர்ந்துள்ளது.