ஆதி நடிப்பில் உருவாகியுள்ள சப்தம் படத்தின் டிரைலர் ரிலீஸ் குறித்த அறிவிப்பு வெளியாகி உள்ளது.
நடிகர் ஆதி கடந்த 2009 ஆம் ஆண்டு ஈரம் என்ற சூப்பர் நேச்சுரல் திரில்லர் திரைப்படத்தில் நடித்திருந்தார். அறிவழகன் இயக்கியிருந்த இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் மிகப்பெரிய வெற்றி பெற்றது. இந்த வெற்றியை தொடர்ந்து பல வருடங்களுக்கு பிறகு அறிவழகன், ஆதி கூட்டணியில் புதிய படம் ஒன்று உருவாகி இருக்கிறது. அதன்படி இந்த படத்திற்கு சப்தம் என்று தலைப்பு வைக்கப்பட்டுள்ளது. இந்த படத்தில் ஆதியுடன் இணைந்து லட்சுமி மேனன், லைலா, சிம்ரன் மற்றும் பலர் நடித்திருக்கின்றனர். 7ஜி ஃபிலிம்ஸ் நிறுவனம் இந்த படத்தை தயாரிக்க தமன் இப்படத்திற்கு இசையமைத்துள்ளார். 
ஈரம் படத்தைப் போலவே ஹாரர் திரில்லர் ஜானலரில் உருவாகியுள்ள இந்த படத்தின் மீதான எதிர்பார்ப்பு மிகப்பெரிய அளவில் இருந்து வருகிறது. அதன்படி இந்த படத்தின் படப்பிடிப்புகள் முழுவதும் நிறைவடைந்து படமானது வருகின்ற பிப்ரவரி 28ஆம் தேதி திரைக்கு வர உள்ளது. இதற்கிடையில் இந்த படத்தில் இருந்து அடுத்தடுத்த போஸ்டர்களும் பாடல்களும் வெளியாகி வருகின்றன. அடுத்ததாக இந்த படத்தின் டிரைலர் நாளை (பிப்ரவரி 19) வெளியாகும் என படக்குழு அதிகாரப்பூர்வமாக அறிவித்துள்ளது.