சல்மான் கானின் டைகர் 3…. ஒரு வழியா ஓடிடி ரிலீஸ் அப்டேட்….
கடந்த 2012 ஆம் ஆண்டு சல்மான் கான் நடிப்பில் ‘ஏக் தா டைகர்’ படம் வெளியாகி பெரிய அளவில் வெற்றி பெற்றது. இந்த படத்தில் சல்மான் கான் டைகர் எனும் கதாபாத்திரத்தில் நடித்திருந்தார். பெரிய அளவில் பேசப்பட்ட டைகர் எனும் பெயரை வைத்து 2017ல் ‘டைகர் ஜிந்தா ஹை’ என்ற படமும் வெளியானது. தற்போது இதன் மூன்றாம் பாகமாக டைகர் 3 திரைப்படம் மணிஷ் ஷர்மா இயக்கத்தில் உருவாகி வருகிறது.இந்த படத்தை யாஷ் ராஜ் ஃபில்ம்ஸ் நிறுவனம் தயாரிக்கிறது. இதில் சல்மான் கான் உடன் இணைந்து முதல் பாகத்தில் நடித்த கத்ரீனா கைஃப் நடிக்கிறார்.
இத்திரைப்படம் தீபாவளி பண்டிகையை ஒட்டி உலகம் முழுவதும் வெளியானது. இப்படத்தின் வெளியீட்டின்போது ஒரு சுவாரஸ்ய சம்பவமும் நடைபெற்றது. திரையரங்கிற்கு படம் பார்க்கச் சென்ற ரசிகர்கள், தீபாவளியை திரையரங்கில் சல்மான்கானுடன் கொண்டாட நினைத்து, பட்டாசுகளை திரையரங்கில் வெடிக்க வைத்தனர். இதனால், பெரும் பரபரப்பு ஏற்பட்டது. திரையரங்கம் முழுவதும் தீப்பிடித்து எரிந்தது.
இத்திரைப்படம் வெளியாகி வரவேற்பை பெற்றாலும் பெரியளவில் வசூல் இல்லை. இருந்தாலும் நீண்ட நாட்களாகவே படம் ஓடிடி தளத்திற்கு விற்கப்படாமலும், வெளியாகமலும் இருந்தது. இந்நிலையில், டைகர் 3 திரைப்படம் நாளை அமேசான் பிரைம் ஓடிடி தளத்தில் வெளியாகி உள்ளது. இந்தி மற்றும் தென்னிந்தி மொழிகளில் இப்படம் வெளியாகி இருக்கிறது.
