உள்ளொழுக்கு திரைப்படத்தை காண சமந்தா ஆவல்… பார்வதிக்கு வாழ்த்துகூறி பதிவு…

மலையாளத்தில் முன்னணி நடிகையாக வலம் வருபவர் நடிகை பார்வதி திருவோத்து. தனது 17 வருட சினிமா வாழ்க்கையில் தமிழில் மிகவும் குறைந்த எண்ணிக்கையிலான திரைப்படங்களில் மட்டுமே நடித்துள்ளார். பூ திரைப்படத்தின் மூலம் தமிழ் சினிமாவில் அறிமுகமானவர் மலையாள நடிகை பார்வதி. தொடர்ந்து, சென்னையில் ஒரு நாள், மரியான், உத்தம வில்லன், பெங்களூர் நாட்கள், சிவரஞ்சினியும் இன்னும் சில பெண்களும் உள்பட பல திரைப்படங்களில் நடித்துள்ளார்.

 மலையாளத்தில் அவர் நடிப்பில் வெளியான உயரே திரைப்படம் பட்டி தொட்டி எங்கும் ஹிட் அடித்தது. சினிமா மட்டுமல்லாது சினிமாவில் பெண்கள் சந்திக்கும் பிரச்னைகள், சமூக பிரச்னைகள் என அனைத்திற்கும் பார்வதி தொடர்ந்து குரல் கொடுத்து வருகிறார். தற்போது பா ரஞ்சித் இயக்கியிருக்கும் தங்கலான் திரைப்படத்தில் நாயகியாக நடித்திருக்கிறார்.

இதனிடையே மலையாளத்தில் அவரது நடிப்பில் திரைக்க வரவுள்ள புதிய திரைப்படம் தான், உள்ளொழுக்கு. இப்படத்தில் பார்வதியுடன், பிரபல தமிழ் நடிகை ஊர்வசியும் முக்கிய கதாபாத்திரத்தில் நடித்துள்ளார். இந்த படத்தை ஆர்எஸ்விபி தயாரிக்க, சுஷின் ஷ்யாம் இயக்கி இருக்கிறார். இத்திரைப்படத்தின் டிரைலர் வெளியாகி வரவேற்பை பெற்று வரும் நிலையில், பார்வதியின் நெருங்கிய தோழியும், பிரபல நடிகையுமான சமந்தா, படத்தின் டிரைலரை வெளியிட்டு, படத்தை காண ஆவலோடு இருப்பதாக தெரிவித்துள்ளார். இத்திரைப்படம் வரும் ஜூன் 21-ம் தேதி திரையரங்குகளில் வெளியாகிறது.