சந்தீப் கிஷன் நடிக்கும் மாயாஒன் படத்தின் பர்ஸ்ட் லுக் வெளியாகி உள்ளது.
சந்தீப் கிஷன் ஆரம்பத்தில் தெலுங்கு திரைப்படங்களில் நடித்து பிரபலமானவர். இவர் தமிழில் கடந்த 2013 ஆம் ஆண்டு யாருடா மகேஷ் என்ற படத்தின் மூலம் அறிமுகமானார். அதைத் தொடர்ந்து பல படங்களில் நடித்து வந்த இவர் கடைசியாக கேப்டன் மில்லர் திரைப்படத்தில் தனுஷ் உடன் இணைந்து முக்கிய கதாபாத்திரத்தில் நடித்திருந்தார். கேப்டன் மில்லர் படத்தில் சந்தீப் கிஷன் சிறிய கதாபாத்திரத்தில் நடித்திருந்தாலும் அவருடைய கதாபாத்திரம் பெரிய அளவில் பேசப்பட்டது. அதைத்தொடர்ந்து மீண்டும் தனுஷுடன் கைகோர்த்து ராயன் திரைப்படத்தில் முக்கிய கதாபாத்திரத்தில் நடித்துள்ளார். இதற்கிடையில் கடந்த 2017ல் சந்தீப் கிஷன் மாயவன் எனும் திரைப்படத்தில் கதாநாயகனாக நடித்திருந்தார். சயின்ஸ் பிக்சன் – திரில்லர் கதை களத்தில் உருவாகியிருந்த இந்த படம் இந்த படம் ரசிகர்கள் மத்தியில் நல்ல வரவேற்பை பெற்றது. அதைத்தொடர்ந்து ஐந்து வருடங்கள் கழித்து மாயவன் திரைப்படத்தில் இரண்டாம் பாகம் உருவாகி வருகிறது. இந்த படத்திற்கு மாயாஒன் என்ற தலைப்பு வைக்கப்பட்டுள்ளது.
இந்த படத்தை முதல் பாகத்தை இயக்கியிருந்த சி பி குமார் தான் இயக்குகிறார். ஏ கே என்டர்டெயின்மெண்ட்ஸ் நிறுவனம் இந்த படத்தை தயாரிக்கிறது. சந்தோஷ் நாராயணன் இதற்கு இசையமைக்கிறார். இந்நிலையில் சந்தீப் கிஷனின் 37 ஆவது பிறந்தநாள் தினத்தை முன்னிட்டு இன்று மாயா ஒன் படக் குழுவினர் ஃபர்ஸ்ட் லுக் போஸ்டரை வெளியிட்டுள்ளனர். இந்த போஸ்டர் தற்போது சமூக வலைதளங்களில் வைரலாகி வருகிறது. மேலும் இதன் டீசர் என்று மாலை வெளியாக இருப்பதாகவும் சொல்லப்படுகிறது.