நடிகர் சத்யராஜ், தளபதி 69 படத்தில் நடிக்க மறுத்ததாக தகவல் வெளியாகி இருக்கிறது.
நடிகர் விஜய் கடைசியாக கோட் படத்தில் நடித்திருந்தார். இந்த படத்தை வெங்கட் பிரபு இயக்கி இருந்த நிலையில் இந்த படம் கிட்டத்தட்ட 430 கோடிககும் அதிகமாக வசூல் செய்துள்ளது. இதைத்தொடர்ந்த நடிகர் விஜய், ஹெச். வினோத் இயக்கத்தில் தளபதி 69 திரைப்படத்தில் நடித்து வருகிறார். 
இந்தப் படத்தை கே வி என் ப்ரொடக்ஷன்ஸ் நிறுவனம் தயாரிக்க அனிருத் இதற்கு இசையமைக்கிறார். சத்யன் சூரியன் இதன் ஒளிப்பதிவு பணிகளை கவனிக்கிறார். மேலும் இந்த படத்தில் விஜயுடன் இணைந்து பூஜா ஹெக்டே, பிரகாஷ்ராஜ், கௌதம் வாசுதேவ் மேனன், நரேன், மமிதா பைஜூ, பாபி தியோல், பிரியாமணி உள்ளிட்ட பலரும் முக்கிய கதாபாத்திரங்களில் நடித்து வருகின்றனர். இந்த படம் தொடர்பான அறிவிப்பு வெளியாகி அதை தொடர்ந்து படப்பிடிப்புகளும் தொடங்கப்பட்டு விறுவிறுப்பாக நடைபெற்று வருகிறது. இந்நிலையில் தளபதி 69 திரைப்படத்தில் முக்கிய கதாபாத்திரத்தில் நடிக்க, சத்யராஜிடம் பேச்சுவார்த்தை நடத்தப்பட்டதாக சொல்லப்படுகிறது. 
ஆனால் சத்யராஜ் தற்போது விஜய் அரசியல்வாதியாக மாறி இருப்பதை சுட்டிக்காட்டி அவருடன் சில கருத்து வேறுபாடு இருக்கும் காரணத்தால் தளபதி 69 படத்தில் நடிக்க மறுத்து விட்டதாக சமூக வலைதளங்களில் பல செய்திகள் உலா வருகின்றன.
ஏற்கனவே நடிகர் சத்யராஜ் நண்பன், தலைவா போன்ற படங்களில் விஜயுடன் இணைந்து நடித்திருக்கிறார் என்பது குறிப்பிடத்தக்கது.