சீனு ராமசாமியின் அடுத்த படம் குறித்த தகவல் வெளியாகியுள்ளது.
சீனு ராமசாமி தமிழ் சினிமாவில் முன்னணி இயக்குனர்களில் ஒருவராவார். அந்த வகையில் இவர் விஜய் சேதுபதி நடிப்பில் வெளியான தென்மேற்கு பருவக்காற்று, தர்மதுரை உள்ளிட்ட படங்களின் மூலம் ரசிகர்கள் மத்தியில் பிரபலமானவர்.
மேலும் மாமனிதன் போன்ற வெற்றி படங்களையும் இயக்கி இருக்கிறார் சீனு ராமசாமி. அடுத்தது இவரது இயக்கத்தில் இடி முழக்கம், இடம் பொருள் ஏவல் போன்ற படங்கள் உருவாகி இருக்கும் நிலையில் நீண்ட நாட்களாக இந்த படங்கள் ரிலீஸ் ஆகாமல் நிலுவையில் இருந்து வருகிறது. இதற்கிடையில் இவர் இயக்கியிருந்தார் கோழிப்பண்ணை செல்லதுரை திரைப்படம் செப்டம்பர் மாதம் வெளியானது. இந்த படத்தில் யோகி பாபு, ஏகன், பிரிகிடா போன்றோர் முக்கிய கதாபாத்திரங்களில் நடித்திருந்த நிலையில் இந்த படத்திற்கு போதிய திரையரங்குகள் கிடைக்காமல் ரசிகர்கள் மத்தியில் கவனம் பெறவில்லை. அதன் பின்னர் ஓடிடியில் வெளியான இந்த படம் ரசிகர்களிடையே நல்ல வரவேற்பை பெற்று வருகிறது. 
இந்நிலையில் சீனு ராமசாமி சமீபத்தில் நடந்த பேட்டி ஒன்றில் தனது அடுத்த படம் குறித்த தகவலை பகிர்ந்துள்ளார். அதன்படி தன்னுடைய அடுத்த படம் கிராமத்து கதைக்களத்தில் திரில்லர் படமாக உருவாகும் என்று கூறியுள்ளார். எனவே இனிவரும் நாட்களில் சீன ராமசாமியின் அடுத்த படம் தொடர்பான அதிகாரப்பூர்வ அறிவிப்பு வெளியாகும் என நம்பப்படுகிறது.