சீனு ராமசாமி – மனிஷா இடையே பாலியல் தொல்லை விவகாரம்….. அடுக்கடுக்கான கேள்விகளை எழுப்பிய சீனு ராமசாமி!

பிரபல இயக்குனரான சீனு ராமசாமி, தென்மேற்கு பருவக்காற்று, நீர்ப்பறவை, தர்மதுரை, மாமனிதன் போன்ற படங்களின் மூலம் திரைத் துறையில் வெற்றி பெற்றவர். இவரின் படங்கள் பெரும்பாலானவை மண்வாசம் மற்றும் மனிதன் பேசும் படங்களாகவே இருக்கும். கடைசியாக இவர் இயக்கியுள்ள திரைப்படம் இடம் பொருள் ஏவல். இந்த படத்தில் விஜய் சேதுபதி, விஷ்ணு விஷால், நந்திதா உள்ளிட்ட பலர் நடிக்கின்றனர். அதே சமயம் இந்த படத்தில் வழக்கு எண் 18/9, ஆதலால் காதல் செய்வீர், ஒரு குப்பை கதை உள்ளிட்ட படங்களில் நடித்த மனிஷா யாதவ் நடித்து வந்திருக்கிறார். அந்த சமயத்தில் சீனு ராமசாமி மனிஷாவிற்கு பாலியல் தொல்லை கொடுத்ததாகவும் , அதனால் அவர் சினிமாவை விட்டு விலகியதாகவும் கடந்த இரண்டு நாட்களாக பல செய்திகள் சமூக வலைதளங்களில் பரவி வருகிறது. இதற்கு சீனு ராமசாமி தரப்பில் மறுப்பு தெரிவித்திருந்த நிலையில், மனிஷா, “சீனு ராமசாமி சார் உண்மையைப் பேசுங்கள், அநாகரிகமாக நடந்து கொண்ட நபரிடம் நான் பணியாற்ற முடியாது” என்று தனது சமூக வலைதள பக்கத்தில் பதிவிட்டிருந்தார். மனிஷா யாதவ்வின் இந்த பதிவினால் பெரும் அதிர்வலை கிளம்பியது.தற்போது இது தொடர்பாக சீனு ராமசாமி தரப்பில் பல்வேறு கேள்விகள் முன்வைக்கப்பட்டுள்ளது. அதன்படி சீனு ராமசாமி தனது எக்ஸ் பக்கத்தில், ” 1) இடம் பொருள் ஏவல் படப்பிடிப்பிற்கு வந்த முதல் நாள் ஏன் முதல் ஷாட்டில் 28 டேக் வாங்கினார் மணிஷா, 2) படப்பிடிப்பு தளத்தில் உதவிட வந்த மூத்த நடிகையர் வடிவுக்கரசி அவர்களிடம் கோபித்து கடுஞ்சொல் வீசினாரே ஏன்? 3) விஷ்ணு விஷால் ஜோடியாக நடியுங்கள் என நானும் அண்ணாமலை பீலிம்ஸ் கணேஷ் அவர்களும் கேட்ட பொழுது ஏன் மறுத்தார் ? 4) என் சம்பளத்தில் ஒரு லட்சம் நஷ்ட ஈடாக பெற்றாரே ஏன்..? 5) மூன்று நாட்கள் திருப்பதி பிரதர்ஸ் நிறுவனம் தந்த ஹோட்டலில் தன் தயாருடன் தங்கிருந்த மனிஷா அவர்களை கடைசி ஒரு நாள் காலையில் படப்பிடிப்பில் சந்தித்தேன். 6) அந்த 28 டேக் மேக்கிங் வீடியோவுக்கு காத்திருக்கிறேன். தெய்வம் அருளனும் இருப்பினும் உங்களோடு திரும்ப பணி புரிய விரும்பினேன். ……………… நவீன இலஷ்மி காந்தன் பிஸ்மி அவர்களுக்கு அண்ணன் பிஸ்மி ஒவ்வொரு நாள் தன் பேச்சை எனக்கு அனுப்புவார். ஒரு பூ வாட்ஸ்சப்பில் அவருக்கு போடுவேன் கடைசியில் மலர் அஞ்சலி எனக்கு வைக்க முயல்வார் என நான் எதிர் பார்க்கவில்லை. மாமனிதன் பெற்ற விருதுகளை பிண அலங்காரம் என வசை பாடியது எனக்கு வலித்தது, மாமனிதன் உலகம் போற்றிய ஒரு சினிமா, அதனால் உங்களை ஒருமையில் எழுதி விட்டேன். ஏன் கடந்த ஒன்னரை வருடமாக என்னை டார்க்கெட் செய்து வலை பேச்சில் 20 வீடியோ பேசினீர்கள் பிஸ்மி அண்ணா? தயாரிப்பாளர் சுரேஷ் காமாட்சி மூலமாக பேசி பின் நானே அண்ணே என்னை நெகட்டிவா சொல்ல வேண்டாம் என கெஞ்சிய வாய்ஸ் நோட்ஸ் அனுப்பினேன் மூன்று மாதம் முன்பு. ஆண்களை படத்தில் நீக்கினால் சிறந்த டைரக்டர் அதுவே பெண்களை நீக்கினால் பாலியல் பழியா? உங்கள் மனைவியார் என் வீட்டுக்கு புகைப்பட கலைஞரோடு வந்து என் அம்மாவை பேட்டி எடுத்தாங்க என்னையும் என் அம்மாவையும் இணைத்து படமும் எடுத்தாங்க அந்த பேட்டியை நன்றியோடு என்றும் நினைப்பேன். அன்பன் சீனு ராமசாமி” என்று பதிவிட்டுள்ளார்.