சங்கர் இயக்கத்தில் ராம்சரண் நடித்துள்ள கேம் சேஞ்சர் படத்தின் டீசர் வெளியாகியுள்ளது.
பிரம்மாண்ட இயக்குனர் என்று அழைக்கப்படும் சங்கர் கடைசியாக இந்தியன் 2 திரைப்படத்தை இயக்கியிருந்தார். கமல்ஹாசன் நடிப்பில் வெளியான இந்த படம் எதிர்பார்த்த வெற்றியை பெறவில்லை. அதேசமயம் இயக்குனர் சங்கர், ராம் சரண் நடிப்பில் கேம் சேஞ்சர் எனும் திரைப்படத்தை இயக்கியிருக்கிறார். இந்த படத்தில் ராம் சரணுக்கு ஜோடியாக கியாரா அத்வானி நடித்திருக்கிறார். இதில் வில்லனாக எஸ்.ஜே. சூர்யா நடித்திருக்கிறார். 
மேலும் இவர்களுடன் இணைந்து அஞ்சலி, ஜெயராம் உள்ளிட்ட பலரும் முக்கிய கதாபாத்திரங்களில் நடித்திருக்கின்றனர். இந்த படத்தை ஸ்ரீ வெங்கடேஸ்வரா கிரியேஷன்ஸ் நிறுவனம் தயாரிக்க தமன் இதற்கு இசையமைத்துள்ளார். திருநாவுக்கரசு இந்த படத்தின் ஒளிப்பதிவு பணிகளையும் மேற்கொண்டுள்ளார். இந்த படம் அரசியல் தொடர்பான கதைக்களத்தில் உருவாகி இருக்கிறது. அந்த வகையில் மிகுந்த எதிர்பார்ப்புகளுடன் உருவாகி வரும் இந்த படத்தின் அடுத்தடுத்த போஸ்டர்கள் வெளியாகி வருகிறது. அதுமட்டுமில்லாமல் முதல் இரண்டு பாடல்களும் வெளியாகி ரசிகர்களை வெகுவாக கவர்ந்துள்ளன.
சமீபத்தில் இந்த படமானது 2025 ஜனவரி 10ஆம் தேதி உலகம் முழுவதும் வெளியாகும் என அறிவிக்கப்பட்டுள்ளது. இந்நிலையில் இந்த படத்தின் டீசரை படக்குழு வெளியிட்டுள்ளது. இந்த டீசரில் ஆக்ஷன் காட்சிகள் போன்றவை காண்பிக்கப்பட்டுள்ளன. பல வருடங்களாக காத்திருந்த ரசிகர்களுக்கு இந்த டீசர் ட்ரீட்டாக அமைந்துள்ளது. எனவே ரசிகர்கள் பலரும் இந்த டீசரை சமூக வலைதளங்களில் வைரலாக்கி வருகின்றனர்.