நடிகர் சிம்பு கடைசியாக பத்து தல திரைப்படத்தில் நடித்திருந்தார். இந்த படம் நல்ல வரவேற்பை பெற்ற நிலையில் அடுத்தது கண்ணும் கண்ணும் கொள்ளையடித்தால் படத்தில் இயக்குனர் தேசிங்கு பெரியசாமி இயக்கத்தில் புதிய படம் ஒன்றில் நடிப்பதற்கு கமிட்டானார். 
ஆனால் அந்த படம் இதுவரை தொடங்கப்படவில்லை. இதற்கிடையில் நடிகர் சிம்பு, மணிரத்னம் இயக்கத்தில் உருவாகி வரும் தக் லைஃப் திரைப்படத்தில் முக்கிய கதாபாத்திரத்தில் நடித்து முடித்துள்ளார். இந்த படம் அடுத்த ஆண்டு கோடை விடுமுறையில் வெளியாகும் என சொல்லப்படுகிறது. அடுத்ததாக நடிகர் சிம்பு, ஓ மை கடவுளே படத்தின் இயக்குனர் அஸ்வத் மாரிமுத்து இயக்கத்தில் புதிய படம் ஒன்றில் நடிக்கப் போகிறார். 
கடந்த சில மாதங்களுக்கு முன்னரே இது தொடர்பான தகவல்கள் சமூக வலைதளங்களில் வெளியான நிலையில் சமீபத்தில் இந்த படம் தொடர்பான அதிகாரப்பூர்வ அறிவிப்பு வெளியானது. அதன்படி ஏஜிஎஸ் நிறுவனம் இந்த படத்தை தயாரிக்க அனிருத் இந்த படத்திற்கு இசையமைக்கப் போவதாகவும் தற்போதைய தகவல்கள் தெரிவிக்கின்றன. அடுத்தது இந்த படத்தில் சிம்புவுக்கு ஜோடியாக மீனாட்சி சௌத்ரி நடிக்கப் போகிறார் என்று சொல்லப்படுகிறது. 
இது தொடர்பான பேச்சுவார்த்தை நடைபெற்று வருவதாகவும் விரைவில் இது குறித்த அதிகாரப்பூர்வ அறிவிப்பு வெளியாகும் எனவும் நம்பப்படுகிறது. மேலும் இதன் கூடுதல் தகவல் என்னவென்றால் இந்த படம் பேண்டஸி கதைகளத்தில் உருவாகப் போவதாகவும் புதிய தகவல்கள் தெரிவிக்கின்றன. மேலும் படம் தொடர்பான அடுத்தடுத்து அப்டேட்டுகள் இனிவரும் நாட்களில் வெளியாகும் என எதிர்பார்க்கப்படுகிறது.